一返到去就早會,鬼死咁熱,之後上課室派野

跟住上hall睇結業禮~~

一開波校長就係到講講講…講左好耐都係講果d野

跟住就頒獎,提子被人叫左做潘B-.-好鬼無奈呀…

我有d想訓架啦,之後就係管弦樂show”歌星未影”同”友誼萬歲”

都幾好聽架!!聽完之後就落去課室派成績表lu~

有好多人都唔o係到,所以唔知佢地既成績,好想知ocean第幾呀

如無意外佢會係我地班最勁既仔啦~~

我既成績簡直係啱啱好呀,我想入B班但係又唔想成績差

而家我係A同B既中間,真係合晒我意

不過睇下人地果D,好多死黨都係唔同班,有D失望tim

但係結果可能唔一樣既~都係返黎睇下先算啦

睇完就影班相嘞,呢次係我地既最後一張合照,之後可能冇機會架啦

所以我地真係要好好珍惜先得

kyy比左部機叫我去影人,好多人被我偷拍左都唔知呀!!

影完佢叫我地番埋位,話今次係最後一次say goodbye,要企好d

之後我係未試過咁大聲講架,真係好大聲好齊

講完之後就勁多人喊啦,不過一陣又笑番,真係傻架@.@

不過我終於知點解會咁啦,呢次真係第一次囉有咁既感覺呀

係真係好唔捨得咁呀,因為呢次真係最後一次啦,以後都唔會有架啦

o係以前我地真係識得嘈,咩事都要嘈餐勁既,好似班舞果次咁

男仔女仔有唔同意見,所以大家都係到喊交,有幾個又係到火上加油

但係我地真係好比心機咁去練,即使我地係跳我地係跳得唔好既

但至少我地係有認真過呀!!

仲有就係估唔到大家會為左練舞去花錢租場,咁就表達出人人都係有心去練既

而且日日放學都練到4點幾,假期都返黎練,雖然大多時間都係玩…..

講番學期初,我地係邊個都唔識既,但係漸漸熟落左,就唔會覺得對方係陌生人

仲會講晒心事呀,有咩唔開心大家都會講出黎,就好似一班識左N咁耐既朋友咁

可能係因為乜都唔識,大家先會一齊去研究去做,所以大家既感情先會咁深刻

今年中一真係同我想像中既完全唔同,今年係好開心既一年中一

我小學都可能未試過咁開心架!!

1B對我黎講真係唔知點形容佢好,話佢係開心既來源?佢曾經令我傷心過

話佢係唔開心既原因?但佢成日都帶比我開心wo

升左上中二之後雖然仲會見到,但係已經完全唔係果種感覺啦

我地將會各散東西,分散晒去唔同班,冇咩機會再係一齊

對於1B,我有好多野都唔捨得,傻傻地既miss kwong啦,

其實我覺得佢係一個好好既班主任,至於佢唔係成日鬧人啦

佢鬧我地既次數,一隻手都可以數得晒,又成日同我地玩喎

仲有呢一班on99既同學,由其係當中幾個係特別唔捨得,中二唔知同唔同到班

ocean,提子,siuyan,,25gan,雯女,大牛龜,Fergus,潘B,晴晴,cherry…仲有好多

佢地都令我改變左好多,而且D女仔令我更8….遲D先逐個講啦!!

P.S