禽日睇波,又睇到4點幾5點,so而家好眼訓...

但係要返school練舞,又係練舞....

出到去,仆佢個街呀!!落雨喎,好彩我有拎摭~~

塔車途中遇見fergus,佢冇摭,咁我咪摭埋佢囉

哈哈!我又日行一善嘞!

正所謂日行一善,積善積德!!

上到去405,見到lemon同25仔係到

lemon幫25仔"jell"頭,攪到咩咁款...

d女仔又遲返喎,但係我地冇碟,所以就播大牛龜d粗口歌

勁搞野囉~~又鬼咁大聱,但係冇人聽到

最後d女仔成差唔多11點先返

之後d人話cherryo係德愛,返唔到黎

要幾個人去接佢,我地派左lemon,25仔同大牛去

但係lemon淆底,所以中途返黎

我地o係上面望落去,見到佢地兩個個衰樣

所以頒左個咩最田雞獎畀佢地

練左一陣,就去食野,但係一落到去就落雨喎

真係行運行到落腳指尾...

跑左出去中央場果到,又勁大雨,好無奈!!

lemon,25仔同大牛跑屾去又跑番入黎,攪到濕晒

本來去左小食館既,但係冇位,就去左m記

m記d人好似好唔鋸咁,見到我地整濕晒地下

叫左野食,但係有幾條仆街係到玩

食完龜神黎左,跟住我地上左阿阮屋企

勁多人去,攪到好似去踩場咁,上左去聽到佢有個妹叫維維

跟住龜神話,原來維維係隻狗黎架?

入左去一陣,龜神又係到上咸網,攪到幾個女仔好驚

好在有我伸張正義,,刪左佢~哈哈~我又日行一善啦!

跟住d女仔問佢咩叫打潛艇,佢又好好咁解釋喎!

笑到我死死下...佢真係可以上台演講架啦~~

我地又睇左青揚畢業禮段片,勁多攪笑野

原來,龜神都係讀青揚架!!係5年前既青揚!!

之後練舞,阿龜話我地果段係"咇咇"既

所以就教左d新野,又教左女仔d野

龜神教佢地一個好咬腰既動作,唔係人黎架...

但係有幾個又話要用個鎖鎖左條腰

又話用WD40都唔得...

龜神教我地果個呢,好似d阿伯耍太極咁...

到左6點幾就走嘞

而家又係好無聊咁打緊機,個電視又再度死亡(TT^TT)要出廳睇

真係好無聊...

而且仲有d野令我好迷惘...點好....?