恭喜Js終於搵到工喇✴
今日同佢去旺角買返工衫同鞋
順便搵埋阿沈, Lunch together
突然心血來潮想睇戲
就約定等埋阿沈12點放工一齊去睇
中間旺中買咗AngelColor Con (HK$280, 好貴..)
點知Js放飛機, 11點未到就走咗了...\_/ ╬
賴低我一個人...係M記等...
見差唔多時間就行去搵阿沈嚕
眼見仲有成粒鐘先入得場, 咪諗住搵地方食住野等
行行下見到間“皇國點心夜茶專門店” (位於旺角黑布街)
貌似幾旺咪入去試試, 食物質素同Service都不錯~
蒜香蒸排骨同鶉春蛋燒賣都啱我口味 (我淨係食咗哩兩味)
食飽又夠鐘就去睇《迷離夜》
一啲都唔恐怖, 但係就超好笑 hahahaha` XD
(其實哩套係恐怖片定係喜劇片? 囧?)
內容係分咗三個故事..
第一個故事最有恐怖氣氛
第二個故事結局是最好的
第三個故事會比較嚴肅(後半段), 幾悽慘
因為佢好多突然間有野閃出黎既鏡頭, 加埋啲音效先係最恐怖
只看screen其實沒什麼感覺, 但佢音效好大聲, 真係會嚇親
總括黎講....我覺得係笑片, 好多GAG位, 我由頭笑到落尾 xdxd
|
