今日我竟然做咗一日電燈膽

有啲自我厭惡添.. -,-"

話說今日同Js補慶祝生日去OP玩

順便玩埋首次全日祭哈囉喂

本身有Js & her bf & her fd & me

點知佢個fd臨時放飛機話唔去

不過我都預咗, 估唔到真係比我估中-_-|||

(我唔明點解佢d fd可以成日放人飛機..我有哂心理準備)

但佢又唔想得佢哋兩個去OP..所以係咁叫埋我一齊去

(我更加唔明點解佢哋二人世界, 係都要叫我去做電燈膽)

佢話得佢哋兩個人去會好悶喎

初初都幾唔知想點..

Js同我行, 我會覺得佢男友好慘; 但Js同佢行, 更顯得我是多餘既人

去OP前, 我哋係沙田會合

後尾去吉野家食野 (淨係佢男友食)

食完就搭車去OP, 塞車, 5點鐘先到OP

其實真係冇乜玩啲乜, 幾冇癮

今年得3間鬼屋係玩嚇人, 我哋玩咗2間, 機動遊戲就玩咗激流同過山車

9點已經冇野做, 先離開

Js仲叫我一齊食飯..傻啦..做咗半日燈膽仲唔夠咩!!

真係..!! 容我講句: 你兩個二人世界咪算, 叫埋我去把鬼咩!?

我以後都唔會再做人電燈膽!! 我唔鐘意三人行囉!! :@

聽日放假

放工泉哥仔帶我去TST一風堂食拉麵

啲拉麵都算正宗, 足份量, 仲可以揀麵身

加咗個溏心蛋, 堅好味a_ab  Like~

埋單total $190

本身今餐我想請..但佢唔肯..

話下次我約佢先我請-o-

之後兩個人無聊走去行海旁

佢一開始話行去Hung Ham我仲以為佢講笑

點知最尾真係行到去Hung Ham...有半個鐘左右吧

夜晚都幾大風, 落雨我冇帶遮, 同佢擔一把

佢同我講浪漫...我答佢: 撇哂雨, 乜都濕哂, 浪漫個鬼咩

其實都幾怪, 我哋稱不上好friend, 走去行海旁...

但我初初真係以為佢話行下, 點知行到去HungHam

之後搭MTR到ST, 再送埋我搭車

就各自歸家了:|

今日早放, 收8點

所以放工同沈沈逛SOGO再食dinner

原來佢鍾意戈隻watch要成$4000幾 -_-

好貴...買唔買就佢自己諗喇...

後尾諗食咩都諗咗好耐..

突然醒起金百利多野食, 就去seesee

最尾決定去燒魂族食放題

有熟食、刺身、壽司同日燒

任飲+$20 另加一服務費 平均每人$251

但我覺得冇上次第一次食好味

唔通真係第一次食先會最好味(?)

返到屋企已經夜夜夜了..明天返11..9點起床zzZ

搭車戈時傾盆大雨, 好似倒水咁, 冇帶遮嚇得我哋

好彩落車變返微微雨

約咗美新新今日一齊食Lunch

算係好耐冇見..

明明大家返工位置就係附近, 但好難約

去咗泉章居食

兩個人食咗超多野XD

下次等埋阿德大家有時間, 再一齊3人晚餐!

原來22號係美新新壽辰)0(

我竟然唔知..遲來的Happy Birthday✿ >_<

原定今日或聽日會帶Mimi去海洋公園玩

聽天文台話22號晚會最接近香港

我怕聽日23號8號風球會去唔成

玩半日都好過去唔成嘛, 所以揀咗今日去

朝早我哋一齊出沙田海皇粥店食早餐

之後我媽同兩位aunties去Shopping

我同Mimi等埋Js就搭170出發嚕~

搭車搭到一半, 天文台已經發出通告話改掛3號風

所有機動遊戲都Closed.. (Sosad)

去海洋公園冇得玩機動遊戲根本就冇意義!!

但已經搭梗車, 又怕聽日8號冇得玩, 只好照去..

去到淨係可以去D 乜乜館度參觀咋

精品店(買咗D手信)>熊貓館>海洋生物館>纜車>冰極天地(?)

搭纜車時都幾恐怖, 聽到風聲, 又微微左右搖, 很深刻的初體驗a~a

橫風橫雨的一天, 有雨傘都冇用, 只能擋一點點雨

結果還是濕哂..特別是鞋子..全進水了q_q

5點幾走人, 仲見到好多內地人在排隊等買飛入場-_-"

7點未到, 返到沙田, 鶯鶯返屋企先

我同Mimi搵佢哋會合後, 去美心皇宮食晚飯

約7點, 收到天文台發出通告改掛8號了@@

食完就飛的走人, 個的士司機食水很深, 自己加價袋了$50..

但打風..就算啦...安全抵家就好

這次颱風, 沒預期的強呢