“返咗大半個月工, 終於都可以放假休息了”

本身應該可以咁講嘅...

但媽咪有朋友黎香港玩, 我要幫手應酬同帶佢女玩

其實我諗咗好多日, 都諗唔到香港有邊度可以玩

遊樂場得兩個 -- Ocean Park & Disneyland

(對於一個10歲既妹妹仔, 我只諗到哩兩個地方可以玩)

只係佢哋係日本過黎, 香港迪迪尼邊比得上東京戈個

所以只剩下OP了...

今日佢哋抵港, 我同媽咪2點到機場

首先接咗某個大板黎嘅auntie先

跟住係Starbucks坐到3點, 接埋另一個福岡黎嘅auntie同佢女Mimi

返Hotel搞掂哂D野後, 就黎我屋企食飯

大家都係愛貓愛狗之人, 同我家貓貓狗狗玩得好happy =w=

食完飯, 佢哋3個女人同我哥去蘭桂坊

我同Mimi就留係屋企, 佢今晚在我家過夜, 同我孖鋪o_o

至於兩位aunties就住Hotel

今日係上箍後第2個月喇

要返去教一教緊個牙箍

唔知係咪心理作用, 感覺隻門牙拍埋咗少少

其實Dr. Lee 都咁講~

今次個過程好快, 係等嘅時間耐少少

3點半到, 坐咗陣

見有時間, 姑娘就同我收咗今次$2000同book定下次覆診期

再過一陣, 跟住入得, 整咗10~15mins就搞掂走得

前排唔記得咗, 食咗咖哩, 支膠管染咗黃色好核突><

好彩有得換啫, 咁啱佢要幫我換條彈弓..

今次較緊咗, 又係頭兩個鐘冇事, 淨係覺得緊緊地

過多幾個鐘啲牙就開始酸軟又痛

不過好過第一次上箍好多

晚飯唔洗食粥, 可以照食飯, 不過要慢慢就住咬

刷牙先係最痛苦的..

本紅簿仔打唔到簿啊

初初以為係一部機問題, 點知試咗幾間都係咁

今日放假, 咪去中銀搞搞去

排隊時我見前面有幾個人都係話打唔到簿

我就唔知係咁啱哩間中銀機失靈, 定大家都同我一樣

個職員嘟咗兩嘟我本野, 條磁帶就整返好了..(好快)

但因咩事會咁, 我想知..(莔)

難道係集體失靈???

解決後就去幫Kaka睇手機套, Kaka同我一樣都出咗部S4

佢話我手機套靚, 所以都想買返個aua~

不過哩隻款淨返紅色同黑色, 佢唔鐘意

傾傾下, 原來我聽日要返工, 我記錯咗後日, 好彩有Kaka提一提~"~

諗落都好耐冇唱K..

就約咗Jsjs一齊去唱返夠本

5點鐘左右到新世紀Neway

其實我哋已經好肚餓, 但6點先開始buffet

唯有唱住等(唔知點解今日5-6點哩段時間好似特別漫長)

6點鐘一到, 餓鬼出沒, 一次過掃咗好多野食XD

跟住邊唱邊食, 慢慢享受~

好耐未試過係Neway唱K咁準時Cut 歌...不過都算唱得夠本嘅

心滿意足, 不過D食物就預咗...(我諗大家明白)

同埋今日有件事都幾開心~^u^

我今日著琴日JeansWest買戈件One-piece+買咗2年都唔敢著既綁帶涼鞋(今日第1次著)

等車戈時企隔離個婆婆讚我咁著好靚

落車時佢都有望一望我, 對住我笑, 我也禮貌上同佢講咗聲byebye :')

今日心血來潮想出去, 順便交交電話費

Mama就提議晚飯食Sushi, 試下純壽司

試過後佢話覺得麻麻咋

而我覺得還好啦, 唔知係咪因為我對食冇乜要求:p

不過相比較, 元氣會比較抵食

臨走時要去禾輋睇啲野

咁啱經過一間叫JeansWest(澳洲品牌) 嘅鋪頭

新開張所有貨品買1送1, 啲衫幾靚嫁, 質地都唔錯

我同Mama揀咗兩件, 埋單大概HK$300

離開前拎咗張卡片, 原來香港都幾多分店