考慮咗幾日, 始終決定係哩間Clinic箍

上次我以為3萬7係未扣介紹費

今日我問清楚, 原來已經扣哂介紹費, X-ray, 牙模, Planning, 訂金

原價係HKD42,000至啱

雖然係貴啲, 但係我哥呀Sir介紹, 如果佢箍得靚, 我都覺得值既

咁今次上黎主要係拎封referral letter, 聽Dr. 講解下須知 and sign, 同比訂金HKD1000

我都順便問佢比埋D相同X-ray相我

跟住落黎就拎埋佢封referral letter去搵其他牙醫剝牙就得喇

暫時book定8月13去上牙箍 (如無意外, 剝得哂啲牙的話)

本身book了12點半, 但遲咗出門, 遲咗半個鐘到   <I'm so sorry.>

今次meeting 15~20 mins完成, 阻到人哋放lunch, 真係唔好意思 (///)

Meeting完就返工嚕, 今日Pinkpink都返工呀, 好好玩好開心♥ >w<

琴日網上見到Kowloon Bay有間Clinic請人

有啲興趣, 今日咪打電話去, 約即日6pm去見工

初頭好緊張, 不過後尾都括出去了!

However, 我覺得請嘅可能性唔大

反正我盡力而為了, 請就請, 唔請便罷 (Free~)

今日又陪Js見工

去到荔枝角, 兜左陣長沙灣廣場

比我發現3/F有我想搵好耐嘅時裝批發市場

不過D衫都唔靚, 仲偏貴, 可惜可惜

之後同佢搵埋個見工地址, 我就食住大快活等佢

大約10-15分鐘, 都幾快

佢話覺得請佢嘅機會唔大 (唔緊要啦! 你都盡咗力咯)

見時間尚早, 所以我哋就出發西九龍中心繼續遊

計返都起碼4-5年冇黎喇..幾懷念以前同同學黎玩既日子 :')

個蘋果商場旺咗好多~~

仲多咗好多明星野賣 (當然立即通知沈啦, 佢哩個SJ迷)

行到咁上下, Js話餓, 就上Food Court覓食

好多人, 初初搵位都難

坐定後, Js買咗煎餃+魚旦麵+豆漿; 我唔餓, 就淨係買杯峰蜜綠茶

唔知我本身定杯野有問題, 飲到一半有啲肚痛, 不過隔咗陣冇事

但最尾都係飲唔哂扔咗, 總覺得很浪費><

食完野, 我哋就搵返童真, 去冒險樂園, 結果咩都冇玩..

見隔離有得影貼紙相, 咪走入去望望

點知..嘩! 十部有九部入面個背景位比人畫到花哂, 成個廢墟咁, 當場咩興致都冇哂

我朋友講笑話哩啲係藝術..

haha 如果哩啲叫藝術.. Sorry, 我真係唔識欣賞

啲人嘅公德心去哂邊? 咁鐘意做啲損人不利己嘅事 (汗顏)

跟住去咗黃金, 諗住幫我哥買返個Mouse, 點知佢又話唔需要住

我經過一間Game Store見有《明星志願3》賣啊

不過HKD128, 雖然唔算貴, 只係諗諗下, 可能好快玩完, 所以冇買到

本身Js話想玩頂樓戈架過山車嫁, 但我打死唔肯玩, 最後佢都冇玩

事因我以前玩過一次, 我覺得佢個安全設備不夠嚴格

扣埋安全扣, 個人都好似就飛出去咁, 仲恐怖過Ocean Park戈啲 :|

近排遇到既衰野真係多

首先, 我自問係出面都係個性格好好既人, 極少發脾氣

今日放工搭巴士, 一如既往, 好多人, 不過今日好彩有位坐

我坐係下層車尾靠走廊倒車位, 隔離企咗個女人

差唔多到站, 我就禁鐘啦

我唔係戈啲一早去定車門等落車既人, 除非爆到好難行

埋站喇, 我企起身準備落車

個女人望到我企起身, 竟然讓都唔讓囉!?

初頭, 我都好有禮貌地講咗聲"唔該"

佢仲係冇乜反應..

眼見啲人都差唔多落哂車, 我真係心急了

咪大聲喝佢"唔該! 我要落車呀!"

佢先思思然縮一縮個身

行到車門, 個司機已經開車了, 我拿拿聲大叫"唔該司機有落"

好彩司機肯即刻停車比我落

如果唔係下個站就去到好遠..又要再轉車返屋企

點解D人可以咁衰!!? 直到我訓教戈刻我都仲未下火\_/

超忟!!

琴日收到恆生寄黎封信, 話要收我HKD50 Card annual fee

我第一個反應係: 吓..咩Card啊...(完全冇印象)

因為我恆生個account早係大約3年前已經cut咗

Card都剪埋, 一直以黎佢都冇寄過野比我

諗諗下, 醒起佢兩個星期前寄咗張Master Card比我

我收到時仲以為只係恆生做宣傳比個sample我

(咁我cut咗個acc咁耐, 佢冇啦啦比張野我, 所以冇乜留意)

佢上面又痴咗張貼紙寫 '如果未收到我通知, 張Card唔會生效'

咁我見冇用, 咪放埋一邊, 冇理咁多

依加冇啦啦話收我年費...-_-

問題唔在於錢, 而係我根本都冇用過佢張Card

所以我今日去恆生諗住問清楚咩事

本身以為會有少許爭執, 點知好順利, 佢即刻話幫我cancel咗佢

仲同個reception姐姐小聊了一會兒

跟住寫埋封書面信證明我要求cancel張card, 再剪埋張Card就走得嚕

之後同js去一田Food Court度食野

中間有間類似食日本野既Shop, 有拉麵有飯

我見佢個滑蛋豬排飯賣相唔錯, 咪買黎試下

結果味道未如理想, 不過有種似曾相識既味道, 又講唔出咩味...

總之就唔好味, 個豬排都食唔出有豬排味既 ~_~|||

食飽飽後, 就去好運既格仔鋪睇下有冇若益翼設計+代言戈隻Con賣

可惜得一間有, 仲要係之前幫襯過戈間衰鋪, 所以冇買

我之前係度買過Con, 都幾急用, 佢話一星期後一定會有, 有貨會打電話通知我

跟住過咗成個星期多幾日佢都未打比我, 我怕佢唔記得, 咪親自去

去到佢同我講未有貨, 話個賣家未覆, 佢返黎會再聯絡我 (語氣好敷衍)

咁我當時心諗, 算啦..冇貨都冇辦法...

但又過咗兩個星期都唔見佢有覆, 我就跟住張單既電話打去問啦

我醒唔起電話入面個人講過D咩喇, 不過印象中好串, 態度好差, 仲係話未有貨

當時超火, 唔肯定可以如期交貨, 一開始就唔好咁口響話一定有啦 :@

電話嘈都冇用, 第二日我直接去鋪頭搵佢, 佢冇啦啦又有貨比我...

真係!@#$%^&*...  都唔知係咪有心玩野!!

不過我見唔係同一個sales, 我先冇鬧佢

但經過戈次, 我以後唔會再係佢度買啲要等既野 (怒)