計埋今日, 已經係連續3日見住Js -u-"

哩兩日可以話係直程住埋係佢度, 好似渡假咁

我拎埋啲日用品返屋企, 我哋又出街喇~

主要目的係睇《奇幻夜》, 最近得返Hollywood Plaza有場

好多地方都落畫了, 今日一定要睇到!

去到5pm左右, 買飛食埋野就夠鐘入場嚕

《迷離夜》同《奇幻夜》一樣都係分咗3個故事

(迷離夜上次講過今次就唔講喇aoa)

第一個故事係陳法拉同林家棟飾, 唔恐怖, 但有少少色情

第二個故事最恐怖, 用校園做題材真係一流, 詭異度滿分

第三個故事就有少少唔明喇-.- 不過差唔多完戈時好血腥..諗起都有啲想嘔

港產恐怖片黎講, 我覺得唔差嫁喇

第二個故事真係幾好睇, 化妝、特效、場景都運用得唔錯

今日同Noel去旺角『迷の密失』玩密室逃離遊戲

我哋join團購的, 原價$128, 依加$71咋

見幾得意, 咪一齊玩下

我地約咗7點半168大廈等, 食埋野8點45出發

(我食定粥先出黎, 只好玩玩手機吹吹水)

原來勁多人..都有廿幾三十個...超壯觀a_a!

都係Noel啲朋友or朋友的朋友

我哋(一組6個)抽到既主題係「詛咒之門」, 限時45分鐘

難度都幾高..內容就唔透露喇=)

最後我哋係失敗咗嫁u_u  差一道門咋, 好唔憤氣

完咗後就各自解散喇

Js屋企人去咗旅行, 今晚去佢屋企玩:3

唷嗨嗨~ 今日掛8號風球~ 名為尤特

但2點前就落波了-o-

如果佢2點後先落就好了, 咁就好多人都唔洗返

差戈廿分鐘, 真係好可惜..

不過多得哩個風, 最終我今日都係唔洗返工~

趁機好好休息下啦, 啲牙仲要好痛/.\

等咗咁耐, 今日終於都正式上箍喇!

今日早咗少少到Clinic

等到3pm, 同約定時間啱啱好入去見醫生

佢話會噴啲沙上我啲牙度(我哥話戈d係火山灰)

之後就攝個tool入我口, E起我棚牙

再吱咗啲野上去啲牙度(應該係膠水)

佢叫我盡量唔好嚥口水, 但有下真係忍唔到吞咗啖

又酸又苦>_< (要忍住唔吞口水, 其實都幾難幾辛苦)

後尾就加啲鋼粒痴上隻牙度, 再拉啲鐵絲上去

我上箍成個過程冇乜野, 唔會痛..

只係佢扭緊條鐵絲戈下會feel到緊緊地

今日淨係箍哂上排牙同埋下面兩邊啲牙

因為醫生話下面啲牙比較亂, 要箍返齊少少先~

差唔多半個鐘就搞掂, 自己感覺棚牙好似哨咗咁:p

跟住俾錢, 今日上箍費係$10700 (之後就每次俾喇)

一路返屋企途中, 我都唔覺痛, 淨係覺得扯得少少緊

戈時我仲不解點解d fds會話痛

2-3個鐘過去..可能拉得耐咗終於覺得痛喇

仲愈黎愈痛, 初初想咬埋棚牙就痛, 之後連野都唔多想講

撕心裂肺的痛, 痛到個心都拿住拿住咁...

夜晚食粥, 都係入口即吞..盡量都唔想郁個口

刷牙先係最痛苦, 刷到啲牙好冤痛..

就住刷就刷到牙肉流哂血(不過可以因為新牙刷刷頭硬/唔慣)

刷完之後要用牙縫刷同牙線, 好麻煩..

不過好彩痛還痛, 都訓得著.. 聽日仲要返工~_~

今日同餅餅補祝生辰

去咗帝都酒店食宵夜buffet

(剝牙8、9成康復了, 趁箍牙前, 食得好食haha)

餅沈Vee十點入咗場先

到12點, 超飽, 飽到想嘔, 依加過咗4個鐘仲濟住濟住

佢嘅主菜食品麻麻

相對的話, 甜品會比主菜好

特別係waffle同pancake, 還可以

不過算不上是美味

朋友話豆腐花也不錯的

埋單HKD251(每位), 對食要求不高的話可以考慮