這兩天都比較閒啊..

總不想整天待在家裡

見Js今日都冇野做, 就約咗佢去葵芳轉轉

(哩排去葵芳既次數都幾頻密@@)

本來諗住今日出黎只係漫無目的咁hea行..

咁啱比我醒起要買過對返工鞋 (總算有返個目標喇)

去到葵涌廣場, 大家都餓

就求其搵咗間野坐野食野 (好似叫"下雨天")

我見佢餐牌有個豬軟骨泡飯, 幾特別, 咪試試食

幾失望, d湯有啲似豬肚湯味, 就咁飲唔錯, 但撈飯就好唔match

豬軟骨先係最衰, 冇味道又肥, 仲要大舊到都唔知點咬/食, 嚼到想嘔

另外我哋叫咗個蒜泥雞, 我覺得幾好味

夠辣, 辣到噴火, 啱哂我哩啲鐘意食辣野既人;3

食飽後就周圍亂逛, 我睇鞋, Js就睇其他野

差唔多6點半行到去葵芳新都會最低層

見到間食甜品既鋪頭--甜牙牙

感覺唔錯, 臨走前入去試下

我地哎咗個香蕉雪糕pancake同士多啤梨pancake, 各送一杯青檸薏米水

有少少比佢賣相呃咗, pancake普遍味道ok, 不過香蕉似爛蕉, 士多啤梨酸到...

戈杯青檸薏米水冇青檸味, 味道完全係一杯峰蜜綠茶

店員服務態度負分, 視若無睹, 問非所答, 冇禮貌, 態度極差, 掛住傾計, 找錢時好似扔比你咁