今日同呀沈、秀Ken、佢朋友Candy去MK 兆萬五月花食完野後

就到處逛逛..

突然心血來潮想睇戲, 很賣座, 呀沈就拿拿上網買戲飛

不過Candy對喪屍片冇興趣, 所以逛完街就走了/3\

原來Candy就係秀Ken之前話做激光矯視戈個fd!!

聞名不如見面:'P  其實我都有少少想做激光嫁

所以就問咗下, 佢話手術冇乜感覺, 全程只係望到盞燈, 同埋feel到有d野壓住隻眼

佢手術前700度, 依加做完之後話睇野好清好理想, 手術費HK$17000

我都有啲心思思想做啊, 但我度數又唔係話好深, 再考慮下先.

我們下次再約再玩再聊XD

《World War Z》真係好刺激, 好好睇

舊年同同事傾計已經知道哩套戲, 好吸引, 期待已久

佢鏡頭成日都係高空影落地面, 全部都係喪屍,勁壯觀 (其實都幾恐怖)

特別係啲喪屍踩住成堆衝上圍牆戈幕!

第一次睇喪屍片係見到啲喪屍跑得咁快, 令我諗起「飛魚」..

每分每秒都好有緊張感, 好似隨時都會有喪屍彈出黎咁

有兩個shots, 我真係比佢嚇到成個人彈一彈~_~

我地仲要坐最後面戈排, 啲音效好響好勁, 令人仲驚仲緊張

雖然佢冇大部份喪屍片啲喪屍咁噁心, 又冇乜血腥情節

但真係好睇好多..

秀Ken同呀沈臨分別時都仲話心有餘悸

但我反而冇乜野@@" (可能前排係PPS狂煲哩類片, 已經免疫了吧haha)

今晚應該唔會發惡夢呱...

不過睇完之後會擔心如果有日地球真係變成咁...到時自己會點(?)就真

其實我真係好想知病毒既源頭係乜..可惜佢由頭到尾都冇講..