又係要一大早起身

哩幾日的確係唔多夠訓 -_- zZ

今日就約左Derrick同美新新釣魚, 7點就起身喇

去到TST, 當然就嘆返個麥記醒晨早餐先啦

路過紅館, 見有人排隊買郭富城演唱會既飛, 就即時排埋一份XD

(之前美新有叫佢朋友幫手買, 但佢朋友話[售罄], 今日竟然有!!)

Derrick就唔同我地喇, 佢去左釣先, 之後我地再會合

好感動, 平時我都釣唔到魚嫁, 今日竟然俾我第一個釣到

冇記錯條Fish Fish好似叫『鐮尖』

釣到4點左右, 冇哂魚鉺就閃人了

今日收穫..綜合鐮尖1 石九公2 哨牙妹1, 由Derrick回收

後黎同美新去左旺角「燉波鐘」, Derrick就自己走

Hea到夜晚8點左右就返去紅館入場, GOGO~~城城Live~~

我哋8點15坐定左, 8點35左右先開場..

嘩!! 第一次黎紅館睇演唱會, 認真刺激啊

同電視到睇完全唔同, 現場氣氛超HIGH, 城城跳舞都好好睇

哩一晚, 我真係愛上咗佢♥

完場時, Aaron都落返後台, D人都仲係度哎Encore

本身都諗住佢有機會會出返黎

但夠左10分鐘都唔見人, 就唔等嚕

臨走時仲有好多人係戈度叫Encore.. haha