一日不見, 如隔三秋

一段時間冇見的朋友們, 今天終於可以一聚了T^T

冇見幾個月, 好似冇見幾年咁..

今日出黎都係想初步傾傾下年年頭去旅行既野

本身講過去北海道, 但傾落意見有啲分歧, 所以應該轉地方

可能改去大阪或者韓國

傾到最終都係決定唔到, 所以下次再約出黎傾啦@@

差不多10點, 夠鐘睇戲, 就同餅同Vee分手嚕

哈哈, 連續兩日睇戲, 仲要又係同阿沈

其實琴日係想睇《悍戰大平洋》, 不過冇場, 所以今日睇返

好好睇, 仲要係片長兩個鐘以上, 滿足

內容好清晰, 初初有疑問既野, 佢之後都解釋到

冇乜地方係睇唔明, 唔會睇到盲中中 XOX

不過D怪獸就假咗啲啲咁啦 (算吧, 內容比較重要啦)

仲有個機械人啲動作又慢又鈍, 經常為佢捏一把汗 |||

睇到中間隻怪獸冇啦啦識飛..我同阿沈都話: 嘩!! 玩哂啦!!!

之後冇事..鬆一口氣..(雖然一早知主角會冇事)

最後黑人長官同某某個仔為國捐軀, 好偉大, 但我估唔到個仔都會死

整體是不錯啦, 科幻特技片, 有異形, 有愛情, 啱哂我

好睇過《迷離夜》, 但冇得比嘅.. 話哂質性唔同, 各有各好啦

我覺得女主個樣好似周海媚, 但阿沈話唔似 :\  (我知道唔係嘅)