4pm出門口, 到TST 5pm, 啱啱好

等咗陣, Dr. NG返黎, 就叫我入去

我俾咗封轉介信佢睇, 佢大致了解要點整

Dr. Lee上次建議分兩次剝, 每次兩隻

但我唔想煩, 所以問Dr. NG可唔可以一次過剝4隻

佢話我唔怕辛苦就可以, 隔離姑娘話我勇/u\ haha"

跟住漱漱口, 就打麻醉針, 其實打戈下唔痛..

(自己會感覺個下巴同嘴腫到好似孖潤腸, 事實上照鏡睇好正常)

Dr. 話未試過打麻醉針打到咁攰, 因為D藥流得好慢, 仲要打6-8支

打完佢拎tool篤篤我啲牙, 問我痛唔痛

我話唔痛佢就開始剝了, 見佢拎住個箝出哂力咁扯我隻牙

(我事後先知原來我牙根好~~~長, 所以難剝D)

搞掂下面兩隻小臼齒, 就到上面側門牙..

由於我門牙同側門牙係前後重疊, 係難就位D..

我見佢搵咗支野挫咗我牙邊幾野, 鬆咗後好易剝

佢整上排牙戈時有啲知覺, 唔知算唔算痛, 總之唔舒服

唔知正常定係麻醉藥唔夠呢

剝哂, 個下巴同嘴唇都係感覺好似腫咗咁, 冇乜feel

佢塞咗D紗布海綿落我牙, 叫我咬實, 唔好吐口水..

同埋keep住吞口水, 如果唔係會流出黎

佢比咗個口罩我, 跟住同我講埋止痛藥 & Book埋下星期洗牙

啲麻醉藥搞到我講唔到野, 要用紙仔寫

我返屋企途中全程都噩住個頭, 驚佢口水會流出黎

我發覺D麻醉藥止唔到我牙痛, 不過就令到我個嘴好麻

我離開個大廈就已經開始痛喇T^T

仲要行2 rounds都搵唔到個巴士站, 咪放棄搭MTR

到大圍再等小巴, 等半個鐘先有車, 個海綿已經濕哂, 要加紙巾墊住

成口都係口水, 有一野濁親, 想咳又唔咳得, 真攞命

粒幾鐘, 返到屋企拿拿聲拎哂D海綿出黎, D口水多到犯濫..(嘔)

上面牙窿仲有少少流血, 好恐怖..

晚飯我淨係食白粥, D飯照入牙窿, D血漿住, 漱口都整唔返出黎

最後要用牙籤慢慢"new"返出黎, 好核突嫁 >_<

訓前食粒止痛藥, 半小時生效, 舒服好多

本身聽日要返工, 依加又講唔到野, 食唔到野, 只好請假啦~_~