琴日同我個同事講電話,佢話覺得J會炒佢,而且仲會炒多一個sales,如果真係炒左佢,我會好唔捨得,之前又走左一個,可能又走多一個,身邊可以信任架人一個個咁走左,留下架係唔可以再信任架人,都唔知點解,宜家有d咁架感覺,一個好熟悉架人,一個信任架人,突然之間變成陌生人,唔可以再講心事,而且面對佢會有一種心寒架感覺,呢種感覺以前從來都未試過,但係呢d感覺得一d都唔好受.

tata開始有d担心佢自己,唔使驚wo,有我地陪你,唔記得我地間屋咩?還記得我地十年之約嗎?如果唔記得就攞出來睇下,我驚你係第一個派俾我架人,你知你做咩都快過人架la.

琴日好開心呀,而且仲好飽tim,飽到琴晚返到屋企都唔想食野,只係食左好少野,距離上次一齊整野食都有一段好長架日子la,雖然過程中有好多搞笑架事發生,但係呢d就係我地將來架回憶.

琴晚一食完飯就一直煲電視,好好睇呀,又好搞笑,都唔知係唔係飽得'制',睇完電視就去左瞓,呢d咪收飯氣攻心?

• 權利鬥爭
• 利慾薰心
• 人性醜惡盡露
• 可怕
• 身在其中
• 要保自己，能如何？

一直都好天真，以為以上架野都只會係電視戲中至會見到，但自己宜家真實體會到，為何一個人可以變得咁厲害，好似完全係两個人，權利真係害人不淺，Ｓ１深得Ｊ重用，手握大權，越來越恃勢凌人，身邊人越來越害怕，唔知會唔會被牽連，Ｓ２想上位，但鑒於Ｓ１架權力，現只能等待，若機會來到，一定會博出位．

如果你身處其中，為保護自己，就只有少出聲，多做事，避免牽涉入權利鬥爭之中，但係咁樣架環境，可以待幾耐呢？而且自己真係可以忍受到咁架環境嗎？生活逼人，為两餐只好暫時繼續做，但自己已為自己有所打算，不能長此落去，離開係遲早架問題．

其實可以見到人性咁醜惡架一面，都係人生架經驗，可以話上左一堂寶貴架人生科，而且可以以此為鑒，唔好係權力同金錢世界內迷失自我．呢Ｄ係書本上都學唔到．人與人之間架溝通真係一Ｄ都唔易學，學到老都未必學得完．