阿媽同細佬今晚大打出手,我都估唔到今次會咁嚴重，平時佢地都只係鬧下，今次係阿媽出手先，我係廚房聽到，出到去已經見到佢地已經打緊，今次細佬又真係頂得佢都幾西利架，两個各有各喊，我開解完一個又要開解另一個，阿爸今晚出左去，好彩我今晚無街去，如果我都出埋去，真係唔知會點，點排真係發生左好多事，以前都唔係咁架，雖然有ｄ煩，但係經過今晚，我覺得自己要為呢個家庭做多ｄ野，我唔想家嘈屋弊．今晚同細佬講左好多話，希望細佬以後唔好講一ｄ真係傷人心架說話，做人大女難，做人家姐一樣咁難，屋企有事做大女架要分担，但係當自己有事或者唔開心時，又唔敢同佢地講，永遠都只係收埋收埋，好彩我都有一班好朋友肯聽我訴苦，．

雖然發生左ｄ咁唔開心架事，但係我無因為咁而變得沮喪，我知道我唔可以咁，因為我架家人需要我，如果我都變成咁，就更加難去令呢個家維持和睦，突然之間覺得自己大個左好多．

媽咪終於番來了,過左今日唔係再煮飯了,今晚又同細佬撐枱脚,真係夠晒浪漫.

琴晚去左睇"藉著雨點說愛你",之前仲以為會好鬼感動,會喊的好勁,點知淨係流左两滴眼淚.原來我唔係一個咁容易喊架人,只有親情架感動先至會使我喊得好西利.

琴日同d同事係度傾左關於婚前性行為架問題,,我個男上司話我係怪物,25歲都仲未拍過拖,佢話宜家呢個社會,拍拖多數都會發生呢種事,佢仲同我地講佢同佢女朋友d野,原來宜家呢個社會係咁架,我地係唔係太過單純呢?定一話我地實在太過保守呢?佢同我地講,拍拖一定會遇到呢個問題.仲教我地點樣'簡'男朋友.

都係唔好同佢傾咁多電話了,夜晚同佢傾電話,搞到日頭好鬼眼瞓,而且生理時鐘都亂晒,再咁落去,一定會病,為左我個容光煥發架樣,一定要瞓多d先得.

仲有两日就係星期日 ,就快見面了.

今日天高氣爽 ,有一個好温暖架太陽照住我地,但今日卻過得不太好,上司因為貨架問題,隨時都會爆發，所以今日係公司好似鵪鶉咁，一ｄ聲都唔出．

食飯果時，阿爸話遲ｄ有ｄ野同我講，阿爸又係問我佢點架，人工點ｌａ，阿爸覺得佢細過我，始終都唔係咁好，聽完阿爸架話之後，ｄ眼? 不受控制咁留左落來，將呢幾日嚟架唔開心同委屈一次過喊晒出來，將工作上架唔開心都同左阿爸講，爸見我喊到咁，就同我講，我都唔係反對你，而且都反對唔嚟，但只係俾少少意見俾我，爸講媽就係咁長氣架人，叫我聽完就算數，我知道阿爸同媽咪架出發點都係為我好，但係咁樣會造成我好大架壓力，做三文治真係好辛苦，人地拍拖通成都係會為雙方之間架問題而煩，我就要煩家人同佢之間架關係，我寧願煩同佢之間架問題，我一直都好重視同家人之間架關係，家人對我嚟講真係好重要，永遠都係排第一，但係點解佢地唔明白我，唔係樣樣聽佢地講就係乖乖女，我係一個獨立架個人，無可能盲目地接受．

如果同屋企人架關係再係咁，我真係唔知我會唔會因為煩而放棄，宜家就好似企係人生交叉點度，最終會係點，我真係唔知．