有時真係覺得自己有d變態,佢對我好,我有開心,但係又好唔習慣,佢琴日突然sent短訊俾我,同我講果三個字,我即刻好驚,太突然了,睇完之後我咩都唔覆佢,因為我又做左駝鳥.而且佢琴日又e-mail左一封信俾我,講左佢對我架感覺,佢話自己都唔知點解自己對我架感覺會甘强烈,佢同我講埋d甘架野,搞到我都唔知點算,救命呀,點可以甘快架.

我有時覺得佢都幾黐身,一日打幾個電話俾我,我係唔係有d身在福中不知福呢?佢話以後每晚7點就打俾我提我食野,因為我呢幾日都胃痛,好驚習慣左佢對我甘好之後,如果突然無左佢,我會點呢?所以宜家唔敢放太多落去.真係有又煩,無又煩,有冇人可以教下我點做呀!

前果幾個胃成日都痛,我同事話我係因為無形架壓力影響,佢同我講,若此壓力嚴重,可能要睇醫生,但我覺得可以放架,睇你自己點睇姐.

今日架心情都唔錯,都唔知點解,呢排成日都要行樓梯,我最怕就係行樓梯,仲要行好長tim,一行完都就唉.....

好朋友又唔開心了,不過唔緊要,有我係度,佢好快就會好番架,如果佢睇到我寫架野,希望佢好快唔記得d唔開心架野,我個膊頭永遠都可以借俾你架,唔使同我客氣,想用幾耐都得架.

好期待台灣之旅,但又好煩唔知帶d咩衫去,又唔知果度d天氣點,有冇人可以話俾我聽呀?