對唔住呀，各個ｓｃ架ｍｅｍｂｅｒ，唔可以同你地一齊去大嶼山，我今次真係好無用，病左咁耐都未好番，我都唔知點解今次會咁嚴重，西醫同中醫都睇過了，但係好似都無咩用，連ｘ光都照過了，好彩個肺無事，因為食左ｄ藥真係好眼瞓，成個人好似無晒力咁，聽日又要返工，真係唔想返，個人真係好唔舒服，好怕返到去又有好多煩架野要處理．唉．．．又開始眼瞓了－－－病人．

今日真係一個好差架日子,咳仍然咳,野仍然要做,仲要有鬼多野做,真係想攞我條命咩,今日同tata傾左一陣,好左好多,其實我宜家最想架就係休息,而且真係需要,再唔休息,真係唔知會病到幾時.我諗我聽日都係要去睇中醫,睇左三次西醫都唔好,可能轉左中醫會好d,我都想同你地一齊去玩,雖然我唔可以燒野食,但係都想同你地一齊.佢有可能1號或者2號放假,但未確實,到時再睇下點.

今日真係bad day,批貨出左問題,之前同supplier只係用電話確定,無補回fax俾?宜家出左問題,就真係口同鼻拗,阿d曾經同我講過,阿t唔會真係嬲我,至多會提醒我,雖然語氣會重d,但係佢真係會睇住我,而阿j平時對我好好,但一講到利益關係,就好難講,其實係呢間公司所學架野好廣泛,好似咩都要識,但係又無一個較為正統架架構,所學架野好多時都係得半桶水,至於有關布架知識就更加學得越少,再咁落去,係呢間公司所累積架經驗可能會變成無用,都唔知點解,最近做事好似頭頭碰著黑,真係開始有d担心我會唔會因為呢件事而被炒呢?而且自己對呢間公司好似越來越無留戀,但如果唔做呢間,出去亦有可能會過到其他架問題,而且人工ok同假期好架工係幾難揾架.真係好矛盾.