香港人     人情味?

今日放工果時係地鐡站見到一個女仔暈低左,但係人來人往架地鐡站居然無人過去扶起佢,佢企起閘外架朋友叫人扶佢,但都無人理,呢個世界係唔係真係咁泠淡呢,我同同事和两個阿婶過去扶起佢,我同事去叫地鐡站架人攞張櫈俾個女仔,話有人暈左,但佢地d反應真係好摱,搞左好耐都攞唔到張櫈過來.

點解d人可以當睇唔到架?佢地有無諗過如果果個係佢地自己或者係自己架屋企人有事,而身邊亦無人幫你,你架感覺會好過嗎?不過好慶幸自己唔係一個泠酷無情架人．

生活           悶

工作           悶

唔知係唔係眼瞓架原因,成個人都好無精神,做咩都無心機,但琴日已經瞓左好多了,點解都係咁眼瞓架,莫非係猪托世?今日收到两份手信,一個係袋鼠公仔,另一個係袋鼠水晶,阿head啱啱去完澳洲番黎.一諗起澳洲,就會諗起陽光與海灘,外國架海灘d水特別清,好想去,咁大個女都只係係亞洲旅行,真係想沖出亞洲.

同佢真係越來越難溝通了,每次都係咁,好多野佢都唔知.永遠將佢個套諗法加入去你果度,好多時同佢講一樣野就會好激氣,每一次都會搞到我想同佢閙'膠',成日話我無記性,好多野都記唔到,一有野唔記得左,就俾佢鵝,但佢唔記得d野,我地話佢佢就會有好多野講,咁係人都會有野唔記得架啦,有咩出奇wo,要大家互相遷就先可以和睦相處,但點解永遠只可以人地就佢,佢就唔識就下人.雖然激氣,但係都只能無奈,因為無得.簡'.