對唔住你呀kathy,今日同tata咁樣激你,不過我知你大人有大量唔會怪我地架.

今日著左對高踭架涼鞋返工,只可以細細步咁行,同事話咁樣會斯文d,咁即係話我平時好粗魯啫,平時唔使出街,但偏偏等我著高踭鞋果時先要出去,行到腳都痛埋,仲要行錯路,俾阿T串我係ANITA二號,慘.....,咁話人都有架.

睇左TATA架日記,先知道原來TATA有咁多情史,真係夠晒多姿多彩,TATA.你真係勁呀.

我地SC好似至從上次同阿JANE一齊食過飯之後都無齊人一齊聚會過,無辦法LA,瑩鬼死咁忙,我諗有排都唔可以聚會.好想同你地一齊去唱K呀,我地好耐無唱過LA.

慘了,公司將會大地震,聽J講應該會係佢去完澳洲番來後會炒人,會重組公司架構,會請garment跟單,都唔知自己會唔會遭殃呢?今朝同D傾電話,佢話我有免死金牌,話J唔會炒我,因為上次開閉門會議時J當住咁多人講佢係咁多個人之中最錫果個就係我,所以D講話佢俾咗個免死金牌俾我,其實我覺得J係因為有兄妹情義結,覺得我好似細妹咁,需要受保護,佢咁講其實己經話咗俾所有人知唔可以'恰'我.其實我架身份都好特殊,比較尷尬,我唔係J個邊條LINE,但我又唔想埋佢地堆,如果唔係佢地條LINE架人,佢地就會將你隔離,但因為我有J保,佢地就唔會唔對我差.

第一次in人,有點不知所措,都唔知要點in,原來要請一個人都幾難架,做老闆同上司都唔係幾好做ge.今日黎in架真係千奇百怪,有一個男架講野仲細聲過女仔,行為好女性化,最好笑就係佢寫婚姻欄係寫unmarried,笑到我地肚到痛,今日一共in左四個人,有d麻木.

原來寫fax仲難過寫作文,作文唔合格只係自己衰咗,只有對自己有影響,但寫fax寫錯咗,可能會有大件事,可能無方法解決問題,亦有可能令公司損失金錢,所以話一定唔可以唔合格.

琴日同敏食lunch,好開心,佢又係係荔枝角做野,真係好,以後有人可以陪我食飯.嘻嘻.

愛上蛋白質女孩都幾好睇,開始搞笑,後來感動,都算一套值得睇架戲.