星期五果日真係激死我,本來攞咗條褲去換,點知去到個老闆娘同我講話無晒中碼,佢又話留俾我,點知又唔留俾我,本來諗住去遊船河,搞到我架計劃亂晒,真係好鬼嬲架.不過亦因為呢件事,俾我知道原來我身邊有咁多關心我架人,好多謝佢地係我唔開心架時候氹我開心,氹我笑.

琴日去遊船河果時俾我發現左原來用手泡泡係好過用救生衣,如果下次去沙灘都要買番個去玩,係落水玩果時可能因為太大浪,我同一個女仔越漂越遠,不過好彩捉去塊木板,其他人見我地咁慘捉住牽住木板架繩將我地拉番去架船果度,有三個女架就更慘,俾我地漂得更遠,真係要人出去接佢地番船.玩左香蕉船,都幾好玩架,不過就飲左幾啖鹹水,真係好鬼鹹,搞到只眼睜都睜唔開,真係好想學識游水,可以想多d水上活動,而且掉左落水都唔使驚沉親,不使等人救.

又走一個了,越來越少人了,近排架氣氛好怪.所有人都好似對公司無留戀,大家都各散東西,就好似畢左業咁,各行各路,t會隨時走,佢走左之後我再無野做,都唔知到時會點,t叫我宜家學到幾多得幾多,最多做埋今年,積d經驗就好走,佢話留係呢間公司無前途,再留落去都係無用架,呢番話已經唔係第一次聽,有幾個人都同我講過,其實自己都有諗過呢個問題,我又開始對自己架前途有d迷茫了.

分離總會令人傷感

分離只係為左能夠更長遠

終於完成左了,都過左去了.生命真係好脆弱,應該要珍惜身邊架人.

承諾重要嗎?

有d人好輕易就講出,但做唔到.

有d人講得出同做得到,但可能係個人架執著而死撐.

我係一個唔鐘意講出承諾架人,因為我太清楚自己未必可以做到,若輕易講出,而自己做唔到,我會怪自己.講出之前我會考慮自己可唔可以做到,若做唔到,我就唔會講.