勞工法例規定顧主每月7號前要出上個月份糧，
出唔到其實告得o既，睇你會唔會去到咁盡姐，
我地公司都唔止1次7號前出唔切糧架啦，
不過老闆都會交代聲，而各員工亦無乜異議，
今個月都因為老闆好忙所以又遲左出糧，
上星期5就話星期1(今日)出現金票。

開初都以為係「現金鈔票」，諗住渣住1疊錢，
去ATM存錢妥入，今日出支票最快都星期3先用得，
今日放工後入銀行計聽日先入，所以係星期3，
原來現金票都係支票，同平時d支票個樣無分別，
只係無畫兩畫線，現金票可以即時去銀行拎錢，
無需1個工作天處理，但要去支票個銀行櫃位排隊，
舉例即係張票係渣打銀行就唔可以去匯豐拎，
仲要出示身份證先拎到現金，就係咁樣，哇？
櫃位果d排隊好似要排半粒鐘架喎，仲有呀，
銀行開工我開工銀行收工我都未收工，點拎呀？
結果都係用番平時個方法畫線支票去入票易入票，
星期3拎就星期3拎啦，唔爭在果幾日。