今日我12點幾就起左身之後搵左幾份工之後四點幾就去左上環文咸西街見工，其實去到我係跟本冇入去見，見到入面大部分都係上左年紀既女人，又諗番係勞工處個陣做野既時候，日日都提心吊膽咁番工，呢幾日都冇白費既，聽日都仲有一份工見，係銅鑼灣皇室堡見既，希望成功啦！今日我仲一直同Prince係到whatsapp，不過我感覺到佢好似有心迴避我，咁我係咪應該要收斂呢？定係真係唔好放太多愛落去？行過北角平時換電話保護貼到見到姐姐，佢同我傾完計之後，我突然頓悟左D野，而家既我跟本就唔係煩兒女私情既時候，搵到工再直接同媽咪講自己想點，咁呀媽先認為自己真正大個仔。姐姐呢番說話突然令我覺醒左好多事，多謝你呀姐姐！你張閃粉保護貼好靚我好鐘意呀^.^。今日買左兩本新書睇，舊個本睇到有句說話，「你要別人欣賞你，你要先欣賞自己，到我真正欣賞自己既時候，唔知你又會唔會欣賞我呢？」我今日睇《換個角度，逆境變出路》既時候，有幾篇我係特別深刻，尋回自己的價值，附加既一句係咁「不想再被問題困擾，就要勇敢面對它，然後解決它！」再者另一篇係講幻想中既世外桃園永遠都係美好既，但如果我地唔先好好解決自身既問題，你永遠都唔會睇到呢個世外桃園！

【Tata Young－Cinderella、王梓軒－說時遲、謝安琪－臨崖勒馬】