又係一晚夜媽媽黎打日記,始終原來自己習慣左夜訓就真係好難去改或者習慣番個種定時既生活習慣,
可能個人比較喜歡係夜媽媽既時間行動同埋自己夜晚既好大感覺,
最近係一間演藝公司上面做配音既工作,終於實現到我想做既目標個條路,
但係原來呢條路真係一D都唔易行,偶爾都會覺得自己原來好廢,
都會覺得點解我自己好似一D用都冇,我把聲係咪跟本唔岩做DJ同配音呢?
好多原因對自己好冇信心,有一刻我真係好想放棄,好想喊,而且覺得呢個世界好無助,
但係同我上堂個老師真係好好,雖然指明我出錯既地方,
但係佢個心係好真誠去叫我加油講好每句對白,
我知我自己資質,聲音係我既本錢,
我唔可以將佢整壞,同埋我真係好喜歡利用自己既聲音去做任何事,
包括係搵錢,教人看世界同埋認識社會。