到左而家我仍然冇改變過我一種既想法,
就係我好堅持我好希望他日我可以離開香港,
遠離呢種步伐快既社會,
生活係呢個社會令到我忘記左生活本身真正既意義係邊...

仲記得細細個聽阿信的故事既時候,
阿信以前全小木伐就落左係日本既酒田市最上川打工,
對於我地城市人黎講,一個新地方存在住好多唔同既風景,覺得好詩情畫意,
我諗當時時阿信去打工既時候...一定冇咁既心情去欣賞周圍既風景...
其實往往最美麗既時間都係好短暫,
就好似我地做人咁,要識得好好咁把握時機,
如果唔係有幾多好野係你身邊經過都冇用啦...
呢D道理係一位老人家教識我...

呢位老人家平時最鐘意聽係世界唔同地方一D比較古老既曲風音樂,
我記得佢有一次帶我聽既時候,
我就突然諗起中國既粵劇,
因為感覺差唔多,對於我黎講呢D都係老一輩既野,仲覺得有D OUT添,
不過諗番轉頭,我地又何時認真咁聽過粵曲,睇過表演丫,
都未去認識呢樣野就話時代唔同就話OUT,
咁OUT個個會唔會係我地自己呢?...我地真係要認真反省......

其實我地最應該反省既係...
物質豐富...
係咪我地既生活會變得更開心更快樂呢?
你同我心知肚明....