今日又係一個要早起身既朝早，唔知點解今日起身有種好舒服既感覺，出門口上堂，去到銅鑼灣突然又諗起Prince，因為佢都係係銅鑼灣做野，上左半堂之後，覺得我始終都係唔適合對住人上堂既人黎，之後我就拎埋D筆記走，之後就落左北角同媽咪食飯，去左食我最鐘意既個間泰國野，真係好好食。講真…係呢個仲搵緊工既呢段時間，我係好唔聽話成日去街，不過真係好多謝媽咪完全冇管過自己而且比錢我去玩，但係我其實冇乜去玩，只係搵朋友去陪自己行下街，我都好想搵到自己岩做既工！食完之後係北角見左兩份sales都話請左人，個下有D失落，點解好似咁唔順利咁，幸好今日去到呀姨鋪頭提醒左我，原來就算人跑到幾遠飛到幾高，總有停係到既一日，我諗我都要學識！之後係chic之堡買左個袋，幾好用。之後就搭巴士番屋企，搭巴士途中，我冇諗過可以放到落車前一刻識起身落車，可能我上車一刻我實在太攰，我冇辦法唔將對眼合埋休息，今日太攰好似病病地，我要休息啦！

【謝安琪－祝英台】