今日我照常起身溫書，本身諗住約下Mary去行下街散心，點知媽咪又突然問我有冇約，Mary又要陪屋企人，咁我唯有同媽咪去食飯啦，點知我既希望出現，雖然Prince佢都話要陪屋企人，但係佢話可以有時間出黎陪我，我去到尖咀陪佢去搵左Keith同佢班朋友，我真係好想佢忘記到前男友，見到佢成日為個EX咁唔開心我都好心痛，佢係尖沙咀碼頭既時候，曾經同我講唔好愛佢咁多，但係個陣我只係諗，我邊有可能做得到，我連答都冇答，我地去搭船去到中環，之後轉叮叮，一路咁搭去筲箕灣，去到筲箕灣有種好熟識既感覺，同佢一路拖住手一路行街，我好希望繼續有呢種感覺，跟住同佢一齊飲左支我最鐘意既伊藤原綠茶，再上叮叮搭番去中環，係上到叮叮既時候，我坐低冇幾耐佢講左叫我唔好再咁sissy既時候，應該man D咁，我都唔知可以點應，之後忽然間有種觸電既感覺我好似見到我呀爸既背影，跟住我就同佢講曬我屋企既事。講曬之後，佢好主動咁拖緊我隻手，我亦都握得佢好緊，我個身體雖然係有D攰，但係我同自己講，我點都唔可以就咁放手，之後佢再一次好主動咁拖埋我另一隻手，個陣真係好窩心，好想時間停頓。去到銅鑼灣，我以為佢要落車想出聲，點知大家都拖得咁緊我最後都係冇出聲。去到中環，我見到皇后像廣場，見到D聖誕燈飾好靚，佢再次好主動同我講：「落車啦咁，過去行下！」我地好急咁落左車去左個到影相，其實早係尖沙咀碼頭個陣已經有一張合照，之後一路拖住手，一路攬住咁行，跟本就冇諗過有路人望過黎，因為我真係非常之咁享受呢個時光！行行下我地企左係條街到攬住，我就一路聽佢唱歌，我都聽得好陶醉，行下行下聽下聽下時間過得真係好快，話咁快佢就要番屋企，陪佢等車個陣我地都有一直攬住，臨起送左個親吻比我，我個下已經好窩心同貼心，我好希望每一次每一日都可以繼續係咁。

【謝安琪－囍帖街】