最近我係到學人增肥，仲要話學人飲奶粉，真係救命-.-“…又唔知攪邊隻奶粉好，揀黎揀去都冇隻岩自己飲既，所以我都係決定睇定曬所有資料之後再去買，仲有呀呢幾日我都係到做緊微量運動，雖然唔可以做劇烈運動，但都想練番好自己個body先。呢幾日心情又跌番d，聽到媽咪最近講番老豆既野，我真係嬲嬲地，不過我地冇得後悔同怨，因為跟本怨不得人同天。同埋最近我仲要做埋人地堆積左三個禮拜既工作比我做，我真係覺得好辛苦囉，點解永遠你地有手尾自己唔跟要我黎跟姐，我死左你地咪又係自己跟，點解你地唔識咁諗既呢？最近心情差既最大原因係我覺得而家只有我關心同問kelvin既近況，完全似係普通朋友既相處，我呢排不停咁做，有時候我都覺得自己埋頭苦幹，都好似冇身邊另一半既關心，但係我除左我媽咪既關心，為我煮飯做家務之外，我d所謂既朋友跟本就莫不關心，我冇真正被關心過既感覺架，唯一一次我飲醉左哥哥送我番屋企我先感覺到呢個世界上原來仲有身邊既朋友同親人照顧自己，我都好想照顧kelvin，但係奈何佢對我都咁cool，每句說話話唔理我就唔理我，其實呢d說話我聽完係唔開心，工作太攰，令我真係冇時間去提出問題，我咁樣真係幸福咩，其實我係好脆弱就真，kelvin咁cool我有時都唔識應對，唔通我都一齊扮cool呀？咁我做唔到囉，我地兩個相處有必要咁做咩？忙碌對於我黎講有好有壞，好既係我跟本可以冇曬時間去唔開心，壞既係忙碌到我感覺唔到我有幸福既存在，所有既人同事都比工作蓋過左，或者我真係太忙太攰啦，我需要既係真正既關愛。
要有幾大既勇氣先能夠坦誠咁面對自己既脆弱呢？外表堅強，但同時內心仍然有住脆弱既一面，原來咁先係人既本性。不過講完其實有咩用呢？當初同kelvin一齊既時候我同佢每日傾計都多過而家，睇黎我都要經歷下蜜月期過後既冷淡期………
今日呢篇日記一路陪住我既歌曲「你們的幸福、脆弱（謝安琪）」
|
