踫岩係我既玄之音治療期當中，就係一年一度既母親節，今年有d唔同既係我買左花送比媽咪，有時候我都好理解一種感覺就係，永遠個呀媽都只係希望個仔開開心心，但係今日睇到有篇新聞，新聞入面咁講：
『社會未完全接納同性戀，父母的意願更成為同志會否「出櫃」的關鍵。阿銘小學時已覺自己是同志，中學看色情網頁亦只對男性有興趣。他的母親得知愛兒性取向後雖感錯愕，但母愛的偉大讓她包容，「佢又唔係殺人放火，我希望第時參加佢嘅婚禮」。
24歲的阿銘有張標緻瓜子臉，「媽咪會同我一齊買護膚品，一齊敷面膜」，母親更會邀請阿銘男友一起逛街，「有時佢兩個仲會夾埋嚟蝦我」。
即使母親知道阿銘與男友發生性行為，亦沒有多言，只提醒做好安全措施，「我好感激媽咪咁錫我，同性戀呢條路喺香港唔易行，係媽咪嘅支持我有勇氣面對困難」。
母親未有嫌棄愛兒「與別不同」，在電話訪問中說︰「十月懷胎，辛苦養大佢，都係想佢開心」。愛兒想在外國結婚，她說一定會作見證人，「第時佢哋領養個仔，我應該會係嫲嫲！」
社區藥物教育輔導會主管黃寶文表示，不少同性戀者不獲家人支持，有男同志慘被母親趕離家，被迫在桑拿浴室過夜，誤交損友服食毒品，更遭性侵犯，他寄望同性戀者家人接納子女的選擇。』
我聽完之後勁感動，差d搭緊地鐵都喊出黎，我唔知我呀媽會唔會咁，但係世界上仲有媽媽能夠咁樣接受自己仔女係咁既人真係好偉大，今日我真係好大領悟同體會，我會好好珍惜現在！
心情指數：↓+76%
|
