今日起身如常做同樣既動作，唔同既係沖涼既時候覺得有d野咁所以冇洗頭，之後換衫出左去買六合彩之後食下午茶，等巴士既時候，我又係聽緊天使的決定同一天一天，唔知點解呢兩首歌係我分手之後特別有感覺，上到車我繼續聽呢兩首歌，聽到既同時我係facebook打左呢段說話：
每段情都離不開
「<熱，愛，學，冷，吵，解，離，療>
熱戀的感覺
愛著永遠的守護
學習彼此包容體諒及接受
冷靜處事的態度
吵架是每段情總會出現的事
吵架後就是反省互相了解之時
別離是痛苦，我們要更加堅強
失戀是痛苦，但別忘記身邊重要的人、工作、生活，治療自己去進行自己之後的生活吧！」
打完之後有個朋友話好想借我呢段說話黎分享，我話冇問題，當時我只係用自己思想同態度去打呢段說話，可能我最近打既面書太多負能量我自己都唔知啦，而且打完呢段野之後我竟然係有感覺地喊，分左手之後第一次有感覺咁喊，唔通我已經有所成長？
打完過後食野之後去左買六合彩，買左40蚊，之後竟然比我執到兩張電腦有人唔記得拎番，不過執番去都冇用啦，連錢都拎唔到，都唔中既！
心情指數：↑+80%
|
