咁耐冇寫日記,對於呢樣野我突然覺得有D生疏,
可能係因為咁耐冇寫,有太多既野要記低,
又或者我心情真係差得好緊要,
要搵其他路徑去放低,
我從來都唔認為自己係一個好好運既人,
我自問自己對每件事我都落足心機去做,
尤其係對朋友、對愛情,我唔希望自己另一半或者係身邊朋友係唔開心,
身邊一個朋友都冇,我仲記得有一次星期日出街食飯,
我打電話比個朋友,我講點解自己係咁唔好彩,
我冇個完整家庭,冇一個人覺得我係重要,
我當時真係傷心失落到我比唔到反應,
只係好想對住四邊牆係到喊,
我個陣個腦只係諗到喊係咩一回事,
我已經唔知道我身邊有D咩,我仲覺唔覺肚餓,
感覺係咩黎?
我好想好想有個完整家庭,我好想附近有好多身邊重要既朋友去SUPPORT自己,
陪我過我既人生,愛情真係有冇都冇所謂,
但係點解身邊會咁多欺騙我既人出現,
係我既人生入面既朋友,
由認識到了解,之後分開,
我好討厭呢種相處方式,
所以一開始有幾刻我好希望真係離開香港,永遠離開,
去一個我認為舒服的地方過新生活,
但是原來我有好多既事係香港係放唔低,
而且我又冇可能咁樣一走了之....

我仲記得我生日前一日,我同某一個朋友相處既態度我明顯係不問不聞不理,
因為原因係佢係身邊咁重要,我生日佢都要同第2個慶祝,
佢仲要正日淨係問我同左邊個玩,
其實我個心好難受,我已經一個朋友都冇,
係我最辛苦既時候,你扶起我,點解到我認番一個舊朋友,誤會化解,
你先黎疏遠我?
我覺得好心痛,我痛到就黎比得上我80層樓跳落黎,
個日我好記得,我係銅鑼灣網吧打打下機,
因為心情太差好想喊出黎,於是我就自己一個走左落去維園坐,
一路飲住杯STARBUCKS一路對住個維園喊,
之後打左比呢個舊朋友,一路我就維持係我拎住個電話淨係喊,
個刻我真係覺得人生係完全沒意義,沒價值,
咁樣既人唔死都冇用啦,倒不如一了百了,
但係我好記得...佢話
「你係我心目中係我一個好重要既朋友,就算個次唔係機鋪偶遇,我都會搵番你!」
我當時唔知係因為呢D既說話打動定係因為當時我只係覺得呢D說話好聽,
但係後黎細心聽,慢慢你對呢個人既隔膜係會消退,
但係對於某個朋友黎講,佢係身邊既重要性自從我生日佢唔想同我過開始,
我既自我防禦意式係強左好多,
當我生日個日,呢位舊朋友同佢男朋友仲有佢既女仔朋友一齊同我過,
食左一餐好好既晚餐,對於我黎講呢餐係好難得既朋友化解晚餐,
我仲好記得當日我對住個生日蛋糕,我既願望係希望身邊陪我既朋友開開心心,
希望我之後人生路上唔淨只係低落既多..
我心入面最深入既宗旨
「人生應該有高低起跌,我唔希望自己人生只有高或只有低,我希望的是高低我都要經歷」