昨天去左子軒大鬼灣間屋企玩~約左好多人都話唔去....得d男仔去..搞到得 c k同靜2個女仔...

但我地玩緊果陣欣停同少令又話上黎~場面變得熱鬧左~

睇一睇~原來差唔多全部都係善忘之家既人~差小鳳同琪琪就齊全la~

今年都冇乜試過咁齊人~好想有下次咁齊人出黎玩呀~~

12點度~d人散哂~得返軒、靜、康鼠鼠仲有人過夜~場面即刻變得勁靜~

係果度過左一晚~起左身就去左打機~

之後睇碟-------「 再見瑩火蟲 」，有d感動..睇到眼濕濕..但始終冇喊到...

始終找不到一部會令我留出眼淚既電影...最感動果次都係「 在世界中心呼喚愛 」

跟住睇完日式麵包王就返歸啦！！

今日本來約左人食野~點知比場雨阻止左....落雨又唔想出街...搞到唔知食乜野好...

好彩老禾及時趕到~帶埋ar索親手炸既M記薯條黎打救我~

跟住我地又打機..打機..打機.....打到我食飯就分手啦~

----------------------------------------------------------------------------------------------

見冇乜野寫就so下我以前上堂畫既作品比大家欣賞下la~

2幅都係F.5英文堂之作，可想而知我地既英文堂.......

今日終於冇落雨啦~不過我都一樣冇乜野做~

下午有幾個人問我屋企有冇人~但又冇人話過上黎~

搞到我又要打機..打機..打機....

打機途中老ben icq問我有冇興趣去踢波~好彩忍得住...

跟住打完機過左一陣~突然記得昨日有人同我講 : [ar廖，驚唔驚復出果陣冇狀態。]

跟住即刻去左跑步~想練下d體能~

去左墓場、西灣跟住就係西提跑返黎...跑得果半個鐘.....

返到黎見頭暈= =

我d體能真係咁差？定係太耐冇動呢？

黎排成日見暈..我係咪有病呢？？