之前契媽約左我尋日去行街嫁....不過佢臨時話唔得閒.....所以就改今日去行街囉.....因為佢岩岩係日本番黎.....話俾手信我喎.....咁我地尋日就約左今日兩點去新城市飲茶.....我地就梗係早到啦....而佢地就遲到喎....不過算啦...鬼叫佢話俾手信我咩....所以我就照等啦....等下等下...佢地黎到喇....咁就俾手信我啦.....點知我一開果袋睇(俾我果份).....有一盒餅...有一把遮....同埋一枝野飲.....盒餅係用Hello Kitty做封面既.....而果把遮個手柄就有個Hello Kitty頭係到.....我仲以為把遮入面(姐係d布)都係Hello Kitty添.....好采唔係咁炸....唔係我真係唔用嫁.....契媽叫我唔好飲果枝野....留番個樽算.....因為驚過左期....所以我都冇飲到.....

跟住契媽話不如我地一齊去九龍仔公園游水.....我梗係話好啦....之後我地兩家人就番屋企攞泳衣去游水啦....我地一番屋企就即刻執d游水既野準備一陣去游水啦....果個游池六點開.....我地就約六點幾去到....佢地話搭的士上去....咁我地行緊上去既時候.....就留意下d的士啦.....我地去到個泳池門口....佢地就岩岩落車(落的士).....咁我地就一齊入去啦.....我地就換泳衣....契媽佢地就唔洗換....因為佢地著左係入面....梗係啦...佢地咁近...我地就遠得多....換完之後....就出去游水啦.....首先去嬉水池.....因為琪琪要玩.....跟住就去中童池.....就得1.33高既姐.....之後就去大人池.....成四米高嫁(個大人池)....我游左一個直池....已經冇晒氣....不過都要繼續游.....唔通半途而廢咩.....游番過去....我就休息左一陣.....就再游過....總共游左四個直池....之後就走喇....咁咪去沖涼囉.....嘩!多人到爆....等左極超耐先有得沖呀.....沖完之後....就離開個泳池喇.....跟住就食野啦....點知我想食果間泰式野多人到爆....所以就轉左去食越南野啦.....食左成五佰幾蚊呀.....唔講喇88