今日本來我極唔開心嫁....而且仲喊左出黎添呀.....不過最後因為羅俊傑請我食糖....搞到我開心番呀.....多謝你呀羅俊傑!!

科學堂:又做實驗~好好玩~不過今次上科學堂終於唔係我玩陳崚喇~係陳紫雅玩佢

中史堂:兩位社工過稷同我地玩心理測驗~話遲d會俾番個結果我地~睇下自己係一個點既人~跟住叫我地交名單(中史故事)~上堂林穎萊話同我嫁~所以秦凱柔&朱珮珊叫我同佢地我咪話唔好囉~點知今日無啦啦佢又話同林曉偲一組喎~咁佢地個個都已經有組嫁喇~就連陳紫雅都有組~咁我咪要同梁逸朗一組囉~搞到我今日上堂都唔專心

設技堂:上個循環週姚Sir叫我地畫既三幅畫今日要交喇~咁姚Sir話叫我地出黎排隊幫我地改畫~原本我係排第一嫁~點知姚Sir話要係第二面開始企喎~搞到我係第一個變左第二十個(最尾果個)~好慘呀我

食飯:食飯果陣我咪同林穎萊講囉:明明你應承左我今媽~如果你冇應承我~我又點會唔同佢地一組呢??之後佢就話不如我(林穎萊)同梁逸朗一組囉~咁我又冇聲出~唉~好慘呀!!

數學堂:咁我仲未解決件事今媽~所以就連數學堂我都冇咩心情上~之後佢地個黑板唔知點解寫左極多野係到啵~就連麗音老師想寫野落黑板都冇位寫~咁麗音老師咪問佢地呢d刷唔刷得,果d又刷唔刷得咁~跟住施家偉就話唔刷得~咁呀羅俊傑就話〝梗係啦~你寫既〝~之後我咪話極超樣衰囉!!跟住羅俊傑就問我紅色果d字靚唔靚~我咪話梗係靚啦~老師寫今媽~點知佢look大隻眼望住我~我先估到係佢寫嫁炸~之後我咪問佢囉~d字係咪你寫嫁咁靚既~佢又話冇野喇~我俾機會佢講~又唔敢講~唉~宜家d男仔真係好冇膽呀!!

英文堂:冇野講~一個字講晒:悶

放學:梁逸朗好寸咁行過黎話要同我一組~我梗係唔制啦~點知佢寫左我個名落左張紙到~仲交左俾曾俊傑添呀~開頭我都冇野嫁~我都只係好鬼嬲嫁炸~咁我就話:如果我同左梁逸朗一組咪姐係話我係一個唔受歡迎既人~但係宜家個事實唔係咁~係林穎萊突然間反口針媽~之後蘇柏熹就話你係唔受歡迎啵~佢咁講喎~我咪即刻啤住佢囉~佢見到我好想喊個樣就衰衰地咁話:講下嫁炸~唔係真嫁!!不過最後我都喊左出黎~咁落左堂之後~我d fd咪過晒黎我果邊囉~跟住我就係咁講啦~之後姚Sir入左黎同我講話佢(梁逸朗)係咁特別嫁啦~佢仲教我同中史科個Miss講話可唔可以安排我地三個人一組喎~咁佢地同我去左廁所~跟住我出到去唔知點解黃老師突然係出面喎~咁咪同佢講囉~之後佢就話考慮下喎~傾傾下我突然間見到羅俊傑喎~咁我咪同佢講話:你唔好笑呀~跟住佢再望過黎我咪話:你試下走啦~咁黃老師就望住我喇~同佢傾完之後就落去啦~點知俾見到羅俊傑真係係到喎~我果陣真係極超開心嫁(係真嫁)~我咪同佢講話:你真係等我嫁~不過佢話唔係喎~係要飯錢炸喎~我當時既開心就變左冇咁開心喇~不過我又諗:可能佢係驚我知呢~跟住佢問我:你點呀??我咪話好唔開心呀~不過你請我食野我就開心嫁喇~之後佢就話唔好啦~宜家冇乜錢呀~星期一先請我喎~咁我咪話囉~你星期一先請我我咪唔開心到星期一囉~你宜家請我我咪即刻開心番晒囉~跟住佢就話請我食糖糖啦(佢真係同我講〝糖糖〞嫁)~我咪買左綠色果隻彩虹糖囉~之後我d fd就話酸死你呀~但係有個fd就話點會酸姐~會甜先岩喎~點樣都好啦~羅俊傑我真係好多謝你嫁~你令我開心番~我真係好開心嫁~happy爆^^thx羅俊傑!!

今日因為d fd話施家偉&羅俊傑鐘意我....而且又話我鐘意佢地喎.....所以我就狂打佢地喇.....我真係好內疚呀!!件事就係咁既....班fd今日又話施家偉&羅俊傑同我有野囉.....咁我咪諗住叫佢地兩個過黎澄清囉.....點知只係見到羅俊傑....咁咪叫佢幫手澄清囉....跟住佢就去左我個班房既窗出面幫我澄清囉....但係我估都估唔到佢捉住我隻手話落去搵施家偉澄清喎.....之後d fd咪又尖叫囉....又話我同佢拍緊拖都唔出聲囉....咁羅俊傑就話施家偉係下低打緊羽毛球.....所以我就去小食部果到搵佢囉.....但係唔見佢喎....咁我d fd又話羅俊傑因為鐘意我.....所以專登唔話我知施家偉係邊喎.....但係我相信羅俊傑唔會咁做囉....跟住羅俊傑就話我〝眼大睇過龍喎〞.....原來佢係電腦果到呀....咁我咪行埋去囉.....我諗都冇諗就打埋去施家偉果到喇....我係狂打佢呀....而唔係就咁打佢一下呀....我打完之後....我d fd都呆左....而我都覺得好後悔呀....對唔住呀施家偉!!其實今日我唔係只係打施家偉嫁....羅俊傑我都有打嫁....我都想同你講聲Sorry呀!!Sorry呀~羅俊傑!!

今日蘇柏熹遲到....放學要去508室....好喇!!我要開始講下今日d搞笑野喇!!

音樂堂:我地行到音樂室出面等緊入去....咁我咪同新識d 1E班fd打招呼囉....但係唔知點解私家車--施家偉無啦啦望過黎我到喎....咁我咪同佢say hi囉....之後曹老師(唔係教我地音樂科嫁)過黎話今日冇音樂堂上.....叫我地係音樂室自修.....叫我地番課室拎番d野.....咁我地咪行番過去囉.....點知我地都未行到班房炸.....有個阿Sir已經話個課室佢地要用喇.....跟住我地咪攞番d書去音樂室溫書囉.....但係出去果陣已經唔見左施家偉喇!!

體育堂:練跑→跳遠→跳高--都幾好玩啦~不過我係咁俾人笑~都算幾慘嫁!!

基教堂:又唔記得帶線色file喇(係locker)....不過好采黎老師唔用炸....唔係我就要寫落手冊到嫁喇!!

中文堂:唉~唔好提喇呢堂~因為蘇柏熹搞到我俾人鬧~極超慘囉!!

食飯:食完飯就小息啦~跟住蘇柏熹係課室食糖~俾prefect捉左~prefect叫佢放學之後去508室~笑到我肚痛haha!!

英文堂:尋日果個突擊默書九十分~所以都幾開心嫁!!

數學堂:我有條數唔識....咁坐我隔離既1E班班長--羅俊傑咪教我囉~之後朱珮珊同施家偉就話我同佢有野喇!!

放學:施家偉次次放學都係咁~都會等埋我[我d fd講既姐~我就唔係咁諗喇!!]~成日係出面行黎行去~咁到我放得果陣~佢又唔知去左邊喎~咁我就唔理佢啦~好似平時咁埋野落locker啦~點知俾我見到施家偉喎~咁我擺唔到d書入去locker~之後施家偉就埋黎幫我擺d書落locker喇!!我仲係冇叫佢嫁喎~施家偉真係幾好人喎!!thx^^hapi爆!!

今日因為施家偉識到兩個1E班既女仔....所以都幾開心嫁....但係今日又因為一d你地唔可以知既事而唔開心喎....就係有個人講左d野hurt我呀!!我憎死你呀!!I hate you!!