訓左成16個鐘，

起身溫書，

無咩做

今日九點鐘起身聽radio，

諗住有得聽歌。

點知，大多人點唱比今日考listening的人聽，

搞到個主持都無播歌，

一尾讀點唱信。

差不多最後兩個點唱信，

居然有我地學校的人點唱比6A班聽。

真係好少有，

不過就唔知係邊個點唱。

果個人仲話如果估倒係邊個點唱就請佢食朱古力添!!

跟住就聽埋個listening的考材，

今年實在讀得太慢，太簡單looooo，

無乜難度。

之後聽倒新聞話早兩日會考有人用手機出貓。

d 人真係夠哂賤!!!!

好彩我今年無retake姐~~~

之後我又走左去訓晏覺。

醒左之後又溫書......

之後出左去銀座食dinner，

食左個4x蚊的雞排餐，

好多野食，

結果個肚頂住左，

搞到連雪糕都食唔倒。

講開又講，我個妹終於都生性啦!!!

佢考倒全班第二名，佢老師仲送左大大個史力奇公仔比佢。

家下佢咪成日抱住個公仔..........

妹呀! 努力d 啦!!

今日真係撞鬼囉

訓左成十二個鐘先起倒身，

仲要訓左兩個半鐘晏覺。

計下計下，

總共訓左14個鐘。

四點半鐘先起身做野，

溫chem囉!!!!

由第16到20課。

做番哂d 書後練習........

好充實

今日個個同學走哂去retake英文，

即係再考多次會考，

比著我就唔考啦!!!

搞到成個班課得果10個人番，

有d 無報會考的都唔番。( 果d 真係唔要得 )

搞到成日都唔駛上堂，

全部時間都拎黎自修。

不過，自咩修呀?

梗係拎黎吹水同訓覺啦! (只係我)

好鬼死悶~~~~~

無乜熟人傾倒野，搞到個口無得郁，唔慣........

係chem堂先廢，係劉面行左去同d 女傾野果陣，

我地開左拳皇黎玩，呵呵!!!

跟住叫劉華改左我份測驗卷先，

改完之後，得60%

佢仲嘩:「都ok」

我心諗:「唔係呀化? 咁都ok? 乜個標準咁低。」

放學

番埋聽日又放五日假，

真係爽。

d 堂好快就過哂，

好舒服。

最後就上個唔想上的英文堂，

不過今日mary就叫我地開班會，

傾下next Wednesday同校長or高層人員談判。

傾左好多野，

1. 應該為中四，五的同學在長假中狂補課，以減少上課天，增加應考的同學的study leave (放假)

2. 改變對遲到的同學之處罰

3. 為何多年來教書時間不足?

有關eol的

4. 分配人手的安排太差

5. 遊人太少

6. 質素太低.........

其實我仲想講埋lunch時間太少，不夠中六同學使用

結果唔知邊條牟利，

提名我去做班代表同班學校高層談判，

八個人之中，我就是其中一個。

不過我講野會好直，

我驚我會得罪校長。

如果真係得罪校長，我可能唔駛再讀書..........呵呵

落去禮堂聽埋個死人講座，

搞到我訓左3次，

仲要搞到個頭擺黎擺去。

放學之後就上左課室，

開始俱樂部。

去到16:30，

死人高柱基無端端走左入黎，

叫哂d 鋤緊dee的人散開，

之後就.........

高柱基: 「你地做咩呀? 唔係賭錢呀?」

回應: 「我地好清白嫁!」

高柱基:「(望一望d 牌)好心你地溫書啦。」「拿! 可能我時運高，咁都比我見倒。」

           「你地班主任係邊個?」

回: 「黃秀瓊」

高: 「可能你地唔好彩啦! 拿! 我要收你副牌。」

之後，佢就走左。

唉~~~~~~

又比人查牌

無奈