今日係放假後第1個上課天,唔知點解今日d時間過得特別快,眨下眼睛又到下1堂,小息,諗住等呀東行過黎,比朱古力佢,點知佢冇番,不過佢唔番學既理由都幾好笑嫁,我都未聽過有人用呢個理由黎請假,佢既理由就係"番到學校都唔教書嫁啦,自己係屋企自修好過"我聽完之後,即刻o哂嘴,呢個都算係理由??今日派番之前測既a maths卷,份卷係低到冇得再低,唉...真係失望,但係我知道我今次係冇盡力,如果比我揀放棄1科,我1定會放棄bio,呢科實在太黑人憎喇,不過講就咁講,我梗係唔會放棄任何1科啦,到lunch,我地去左餐廳食,今日勁少人,到p.e堂,今日考體能,做sit up,人愈大d體能愈差,做完之後,就睇班男仔做引體上升,真係好好笑,不過今年超人做少左好多,唔知點解呢??放學,就番屋企...

好鐘意睇人日記,岩岩睇完幾個人既日記,覺得好似宜家個個都為左2個字而煩惱,真係好神奇,唔通人最大既阻礙就係呢2個字...

我要溫書呀!!!(仲有9日番學)我要頂埋呢2個月,會考完我有好多好多野要做啦,我會記住先苦後甜呢個道理...

好耐冇打日記喇,唉...我真係覺得自己好浪費時間,日日係屋企,又冇野做,但係個心永遠都唔想溫書,點解會咁嫁,我之前既決心同信心去哂邊呀??睇完超人日記,真係覺得佢講既野愈黎愈有道理,或者我真係會後悔,後悔點解之前唔努力讀書,等拎到張滿江紅既成績表先黎後悔,唉...真係真係要溫書喇...

超人講得岩,點解今年咁多事發生嫁,個個都唔開心,唔好再為左d衰人而唔開心喇,朋友們,努力面對會考啦,個個等升中6啦...

其實我有好多野都想打落日記,但係始終用文字係打唔到出黎,始終都係要同呀哥傾...