祝細yan生日快樂!!!
今日本來係同豪哥去唱k既,我地成班人就係就你1個所以就約左今日唱k,點知你1句話早上同夜晚先得,下午唔得,咁就搞到全部人都冇得去喇,所以我以後都唔會再叫你出街,就係因為咁,所以我就約左曉君出黎行街,到左1點,曉君冇啦啦打比我話翠怡冇番工,所以就約左呀球同周連杰去唱k,於是我地就去左荃灣唱k,今次唱k同上次完全唔同,雖然得我,翠怡,曉君,呀球同周連杰,但係我地個個都有唱,唔同上次得女仔唱,勁無聊,哈哈...而且終於有人同我唱童夢喇,所以下次唱k都要睇人去喇,哈哈...之後,我地就食埋自助餐先走,我地拎左勁多勁多野食,因為今次實在有太多好食既野喇,比起上次真係天堂同地獄比呀,所以今次食左好多野,而且拎野食個陣,仲遇見1個好想見到既人,哈哈...開心死佢呀!!!希望你想實現既事實現到啦,你唱到8點,我地就去影貼紙相,我地今次又影到好失敗喇,哈哈...不過冇上次咁亂,之後,畫左勁耐,等左勁耐,所以就坐左係到同呀球,周連杰吹水,個死人周連杰叫我入去同佢吹水,點知不斷問我D感情野,我都講左D比佢地聽既,當然重要個D梗係唔講啦,傾傾下,覺得同呀球既覲點都好岩,哈哈...影完就諗住去打機,點知翠怡話走,所以就散LU,不過多得翠怡話要去FD屋企拎野,所以佢地成班陪我番屋企,哈哈...今日玩得好開心呀!!!唔知可以開心到幾時喇,仲有7日就放榜LU,不過有哂心理準備,所以,我完全唔驚嫁...同佢地2個吹水期間,周先生問左我1個問題,1個我唔多肯定既答案,所以唔知點答佢,不過個答案會好快變成肯定,好少見曉君咁開心嫁,曉君,你要對自己有信心呀!!!
差D唔記得打,我之所以冇打日記咁耐,係因為部電腦中左勁多毒,哈哈...所以宜家整好部電腦既小部份,1定要係日記板多謝呀東,哈哈...因為多得佢3日3夜幫我整電腦咋,本身想請你食9大"鬼"既,但係你係MSN同我玩個遊戲你輸左,所以宜家到你請我食番. |
