6月16日

今朝見個天陽光普照,所以食飽野之後,我同呀媽就搭船落澳門,去到碼頭,發生左件令我好驚奇既事,就係...又比我見到個男仔,點解我地成日都會見到面既,哈哈...唔通我地真係咁有緣???之後,佢又望住我,我又望住佢,真係好神奇,搭左1小時既船之後,就搭車去舅父仔屋企,去到佢屋企樓下,就撞到舅父仔+佢女朋友,之後,就去食野,食飽之後,佢地就話去大6行街,今次係我第1次番大6,我地係拱北個商場行左3個鐘,係呢3個鐘我不斷地買野,而我舅父仔係呢3個鐘就不斷地比錢,哈哈...都未試過買任何野完全唔駛用我既錢,好開心...行到6點就番澳門,之後,就搵呀婆同呀公去食飯,佢地去左我最唔鐘意既"打邊爐",雖然唔鐘意,但係d野都ok好食...^^,10點,就去左呀婆屋企,坐左大約1個鐘,舅父仔就開車黎接我地,番到佢屋企,就沖涼,睇電視,本來想睇碟嫁,因為今日買左勁多碟,不過好眼訓,所以就選擇左訓教喇...

6月17日

今日呀媽9點就嘈醒左我,真係好想訓多陣,之後,就極唔情願咁起左身,跟住,就去食早餐,點知澳門既餐廳係無早餐套餐,真係好笑...食飽之後,就去呀婆屋企,又坐幾個鐘,我係呢幾個鐘終於嘗試到"熱"既滋味,我呀婆屋企只有風扇,而呢幾部風扇都吹唔到我,真係熱到我死呀!!!到左3點,舅父仔黎左,之後,係到傾計,傾傾下,我就話想要NDSL,之後,舅父仔就即刻同我講,我等陣買部比你丫,之後,我就話,唔駛啦,我自己買啦...傾完之後,就去食野,食飽野之後,就諗住番香港,點知舅父仔就叫我地搭的士去睇機,買NDSL既詳情唔打LU,所以,就買左部NDSL喇,今次澳門之旅,全程都入哂舅父仔數,哈哈...真係好開心

今日晏左起身,可能好訓過頭,10點起左身之後,就出街食早餐,係行緊既途中,比我見到勁多交通警,我仲以為咩事,過左陣,就有間靈車經過,原來係之前殉職既消防員,我真係覺得佢好英勇呀!!!食飽之後,就上左親戚屋企玩,坐左陣,發生左d事,所以我就要去第2間屋玩,到左1點幾,就特登去愉景新城買糯米滋比我呀公食,真係有孝心喇,哈哈...之後,行到5點幾,就番去親戚屋企,6點半,我呀媽就叫我去m記食野,食左2日m記,之後,就陪我呀爸去睇醫生,睇醫生既代價除左比錢之外,仲要附送1把雨傘,走個陣諗住拎番把雨傘,點知先發覺比人拎左,真係好好笑!!!之後,就去酒樓食飯,為了父親節,10點半,就番屋企...

今日癲癲佢地打比我話全班參加歌唱比賽,唔通又回憶番中3個陣既歌唱比賽,宜家連謝師宴既野都未搞掂,都唔知歌唱比賽夠唔夠時間預備,真係好期待7月8日既謝師宴,希望個日天氣非常好同埋我地整個謝師宴可以完滿咁完成,不過我知1定可以既...

岩岩睇完momo既日記,momo駛唔駛打哂出黎呀,其實我唔係驚佢嫁,我只係驚佢1樣野,其實如果邊個做個樣野,我都會驚左佢嫁,睇完你個日記,我就知道左1樣野,哈哈...就係我地班既謝師宴仲有23日,你繼續慢慢數喇!!!