因為琴晚先番黎香港,所以好累,不過今日仍然10點起身,唉...想訓晏D都唔得,因為呢個已經係習慣,但係我又唔係早睡早起喎,係晏睡早起,真係慘...起左身,就順便換埋校服,食飽野之後,就上左親戚屋企玩機玩到12:55,就行去搭小巴,咁岩又撞到英妹,之後,佢就比左D學生相我,睇到D相,真係得1個字"笑",番到學校,MS CHAN已經係到喇,等到人齊,就開始練習喇,我今日完全冇野講,啞哂...不過我下次會努力,哈哈...練到4點,我地先走得(最後個組),本身話同英妹佢地去葵芳,但係我要幫我呀爸買野,所以冇去到,SORRY!!!買完野,又上左親戚屋企,等到差唔多7點,我就開始覺得自己好累喇,所以就同左呀哥,曉君講唔去,過左1陣,曉君又叫我去,自己又應承左呀哥去,所以,只有忍住累去啦,哈哈...不過講真,真係好累嫁(係澳門足足行左2日呀!!!),我呢排安排既時間都好準,呀哥約左我8點半葵興地鐵站等,我真係8點半到左,但係大口,呀哥,杜杜就比我遲左少少,最衰係杜杜,唉...費事講佢D醜事出黎,我幾比面佢呀!!!去到西9,呀東,曉君,周包同LING TING都到左,今次真係好好彩,1去到就即刻有得入去食,哈哈...食到1半,超人就閃左出黎,完全唔知佢係邊到閃出黎,食到飽飽地,就開始玩喇,食壽司除左玩芥辣之外,都冇咩野好玩,第1舖,玩猜程尋,呀哥已經叫我唔好玩,咁我又冇諗住我真係次次猜都輸,點知,1猜,真係我輸,之後,同呀東猜,呀東就讓我,我同佢講你出包呀,我出剪呀,點知超人同大口就同呀東講,GENTLEMAN D啦,食左佢啦,之後,呀東就話,唔駛猜啦,我食左佢,哈哈...不過最後都係叫佢猜,結果,佢都係出定包,哈哈...之後,舊壽司都係由呀東食,之後,就玩7倍數,呢樣反而難唔到我,所以我都冇輸,再之後,就玩開口中,個死大口寫數字,我點都記得個數字"47"就係呢個數字搞到我食舊勁辣既壽司,食完之後,眼淚水流哂出黎,個胃又勁痛,真係好辛苦,食到佢收舖,我地係最後個班人先走,11點3,我就好乖咁搭車回家喇,哈哈... |
