| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 7 月 19 日 星期四  |
終於放假喇...  |
分類: 未分類 |
由於上星期6開始番工番到今日先有得放假,日日都做到11-12點先放工,所以冇時間打日記,點知1上到日記板,先知道呀東,超人同呀哥上左黎"搞亂檔",真係多謝你地3個咁支持我個日記板喎^^好喇!!!等我打下日記先,寫下我番工既辛苦史先,只能用1個字形容---累...
番左5日工,差唔多日日都見到熟人,哈哈...而且差唔多個個都有"幫襯"我地,多謝哂!!!番工第1-3日係最累嫁,因為要走上走落,跑黎跑去,所以宜家我係跑步高手黎嫁(講笑咋)^^,跟住4-5日就好好多lu,可能已經習慣左跑手既生活,不過宜家唔駛我跑黎跑去lu,因為有2個新人頂替我跑,哈哈...星期2放工個晚睇番電話,見到英妹同杰哥打左4次電話比我,原來佢地叫我去踩單車,不過我又冇假放,而且我隻腳又痛,如果我又有假放隻腳又痛既話,我都唔會同佢地去,哈哈...因為我唔想咁熱踩單車,下次去唱k先叫我啦,番工d同事個個都對我好好^^,仲有1個同事既男朋友好好笑,又整湯比個女朋友飲,番工放工又接佢,哈哈...真係百年難得1見既好男仔呀!!!,講左咁耐,都冇講我係邊到番工,其實我係nardo對面個間鞋舖番工呀!!!所以有時可以同nardo傾下計交換下野食^^,番工個到好多好多野食呀!!!我諗我係不久既將來我會變成1個大肥婆,哈哈...
就同超人你玩下...
The Game Of << 10 + 1 + 9 >> rules :
10 :列出 10 樣最想實現的事
+1 :除了要回應前者的問題外,還要加多自己一個的問題問別人 .
+9 :玩完呢個遊戲,要再send 比 9 個人玩過,
還要到這 9 個人的 Xanga 留 Comment .
第一樣最想實現的事: 我想升到中6呀!!!(不過1定1定係冇可能既事) 第二樣最想實現的事: 買哂我想買哂野(哈哈...)
第三樣最想實現的事: 我想住豪宅養"番"狗(哈哈...最好有埋呀4啦)
第四樣最想實現的事: 我想係不久既將來有1個對我冇得再好既男朋友(我相信我會遇到嫁^^)
第五樣最想實現的事: 5D班謝師宴可以再搞多次(個個都著住D好靚既3,而且全班都到齊)
第六樣最想實現的事: 我想環遊世界(不過呢樣野講左好耐,唔知幾時先可以實現呢?) 第七樣最想實現的事: 我想去迪士尼(迪士尼D低能遊戲岩我玩D既)
第八樣最想實現的事: 我想見下我想見既人(好耐冇見過你地喇!!!) 第九樣最想實現的事: 見番哂D小學同學(本來約好左嫁,不過好多人都要番工+上我自己又要番工,所以取消左LU)
第十樣最想實現的事: 我想所有人既心願都實現哂(包括埋我,哈哈...)
********************************************
Hazel問:你地大個想做D咩呀
答: 想做D自己想做既野(暫時未諗到)
daniel問:點樣既人先會打動你個心
答: 唔識答,最緊要唔係女仔啦...
彤問: 有冇呃過最好既朋友
答: 冇...掛(呃左都唔記得,不過呃得我既好朋友,呢個大話1定係善意既大話,哈哈...)
bee問:邊1個人令到你最傷心
答: 有...都唔話你知
terry問:你最唔鐘意自己邊到
答:冇喎(我好鐘意自己嫁喎,自戀狂^^)
豬慧問:你最唔鐘意身邊既邊一個人
答: 應該就冇喇!!!
cherry問:你最fd既係邊個
答: 個個都咁上下FD
aki問:依家比你講句野，你會講d咩呢
答: 終於放假喇,好開心!!!
bonnie問:你而家最想做d咩
答:成大班人去唱K(我放假實有機會既^^,8月8日都OK嫁)
文問:如果你好後悔做左一件事*係邊一件事
答:我1定會盡量唔再做番同1樣後悔既事,呢件後悔既事都過左LU,宜家講黎都冇用)
yanB問:你最愛既係邊個
答: 
DEBBY問:你隻眼大五大牙
答: OK啦,唔算大唔算細掛
ting問:下世想做男定女?
答: 冇咩所謂
茵茵問: 你最後悔愛過邊個*?!
答: 冇
low問:而家俾你揀同邊個出街`1.朋友 2.鐘意既人 你揀同邊個去街?!=]
答: 1同2都揀,哈哈...(齊齊去)
MANMAN問:而家最想見到邊個呀
答: 個個都想見
KIU問:你而家諗緊邊個
答: 超人,因為佢點我做呢份野
0na問:寧願你鐘意果個鐘意你個frd定仇人?
答: 2樣都唔好,最好梗係鐘意我啦,哈哈...
ANNIE問:你鐘意緊個個人叫乜名?
答: 唔知呢??^^
ngting問:中5中意去沙灘?
答: 麻麻,好熱...
step問:你對上個次係幾時喊?為乜?睇戲喊唔算.
答: 呀公過左身
樊`問:::中唔中意飛輪海?
答: OK啦...
heyman問::愛侶會因了解"宜"結合...都係因了解"宜"分開??Do you agree??
答:: 我唔同意
a-Bb問:通常靚女都會做第3堵,,你覺得係咪
答: 應該唔係
warm問:覺唔覺得人生就像一場戲?
答: 都覺嫁
痴sin`問:你好悶咩?係度玩呢d野=D?
答: 比人點,冇計啦...
kaaaa`問;愛不愛古巨基xd`?
答; 完全唔愛
超 問 : 最近最煩惱既一件事,係咩野 ?
答:應該就冇喇...
tag; 英妹,momo,曉君,文姐,肥仔,曉君,翠怡,呀哥,杜杜
|
| 2007 年 7 月 10 日 星期二 |
| 謝師宴完了... |
分類: 未分類 |
7月8日(謝師宴)
今日1大早就起左身lu,因為今日係期待已久既謝師宴,9點幾,就落街食早餐,之後,就即刻番屋企沖涼,換裙等...到左12點,momo黎左我屋企,過左1陣,momo個電話就響,原來係英妹,佢打黎同我講佢迷路,所以佢地搭的士黎,之後,等齊人之後,就開始化妝+set頭,我同英妹由頭到尾都係到坐,因為我地2個完全唔識化妝同set頭,首先就由ping ting妹幫我set頭,個頭真係利害喇,set左成粒鐘,哈哈...真係辛苦哂ping ting妹喇!!!set完之後,就到momo幫我化妝,都ok快搞掂,到左4點幾,個個都搞掂哂就起程喇,我地搭的士去葵興地鐵站,到左荔景地鐵站就同埋癲癲,杰同鮑魚1齊去酒店,1出到地鐵站,就覺得勁曬,不過曬點都好過落雨既,行左陣,就到酒店喇,原來已經有好多人到左,都未試過見到成班都著得咁靚!!!^^之後就繼續等人,到左7點幾就開始喇,首先就由呀達同肥堵代我地做m.c,哈哈...之後,就到番我同momo做,送完禮物之後,就開始食野喇,唉...對d野食好失望,好難食!!!所以食左少少就冇食喇,食飽之後,就玩games喇,係呢段時間裏面,只能用1字形容"亂",之後,就抽獎,玩到10點幾,就走人lu,因為個個都好累,包括我,不過又應承左momo同呀球去唱通宵k,所以就死頂啦,不過都好,去左荃灣唱,特別鐘意去荃灣neway,有親切感呀!!!我地真係好彩,入到去k房,個電視壞左,搞到我地呆坐左幾10分鐘,之後終於比我地轉房喇,仲大左d,開始唱喇,不過d歌全部都係男仔,不過我地得3個女仔(我,momo同肥君),5個男仔(肥仔,呀球,肥堵,樊健恆同埋nardo),所以男仔多歌係岩既,唱到1點幾,我地就玩"大話色",佢地仲叫左半打啤酒,雖然係半打,但係好貴呀!!!呢半打啤酒總值108元,所以叫左半打就冇再叫喇,d啤酒飲得勁快,不過呢隻啤酒都算飲得落口,因為我輸左2次,所以飲左1杯,之後輸個d就唔駛我飲lu,因為肥仔佢地驚我醉,之後,肥仔,nardo同肥君就繼續玩"色盅",佢地玩得好激烈,我地連唱k既音樂同自己把聲都聽唔到,因為佢地實在太大聲喇,唔知點解覺得d時間過得好快,唱唱下就到5點半喇,之後,諗住搭的士番屋企,點知見個天又光,又唔太眼訓,所以就1步步咁行番屋企喇,唱左咁多次k,最"好"彩都係今次,哈哈...
咁快就完左謝師宴,宜家好似冇咩日子好期待,不過我好期待我學游水既日子,今個暑假我1定會學識游水既,其實仲有1樣野你地會好期待既,但係我完全唔期待,就係會考放榜,謝師宴聽完某消息後,搞到我唔知點算好,唉...唔通真係要等8月8日先慢慢諗???諗番起謝師宴,我只有用"後悔"黎形容,因為我太失敗喇,影左勁少相咋,真係好想時光倒流,咩都唔做,淨係影相就夠喇,不過,我地都有滿足既野,就係我地成班唱<<良師頌>>比各位老師聽,我地成班唱個陣真係好有感情嫁,所以我覺得今次謝師宴好成功呀!!!不過覺得有d可惜既係黑提黎唔到,真係唔岩時候喇!!!
呢個日記只能記低1日裏面有咩特別事發生,感受,但可惜既係...呢個日記唔可以記低我心裏面想講出黎既說話,原因係...日記有太多人睇,唔想比太多人知道我個心諗咩,所以通常心裏面想講既野都會同某d人講,但係有時又真係好想打出黎,真係好矛盾呀!!! |
« | 10 | 11 | 12 | 13 | 14 | 15 | 16 | 17 | 18 | 19 | ... | 108 | »
|
