10/11

今日曉君生日,但我仍然未同佢講生日快樂,朝早番學校補chem,遲左成粒鐘先開始,真係好!!!之後,番屋企做功課,到左7點幾,等埋呀哥沖涼+落到黎先出門口,呀哥打比我話到左後,我即刻仆落去,連大口叫我帶既野都唔記得左^^,落到去,先"淋"急"淋"忙"買蛋糕,哈哈...之後,上到去酒樓,發覺得大口,呀球同周包到左,之後,就打電話比羅文,佢就話就到,點知佢真係轉個頭就到左,跟住,我地先開始拎位,12人,點知佢話要等到8點半先有位,成粒鐘!!!豪哥,呀東,翠怡,呀嘉,超人同豬彪都到齊,差就差在今晚個主角"葉小姐",主角真係主角,真係要最後最後...先出現,遲左成粒鐘,好離譜,不過見你今日生日先唔話你咋,入到去,d野食黎齊哂,但係個鍋仲未黎,到左9點掛,就黎喇,之後食得喇,個個好似餓鬼咁勁搶,仲有唔記得提,呀豪哥叫個湯底真係好好食囉!!!又健康!!!(竹蔗xx湯底),笑死我!!!之後,羅文叫左唔知3支定4支啤酒,佢自己差唔多飲左成支,曉君又飲左1大杯,勁!!!之後,食蛋糕同開香檳,豬彪諗住噴曉君,點知支香檳噴唔到人,個蛋糕又插到唔知點咁,總之個情況好混亂,個個癲哂咁!!!12點,羅文佢地走先(趕住去bbq),得番我,呀球,大口,曉君,周包同翠怡,點知佢地全部人話送我番屋企,搞到好似成村人送我咁,仲送到我屋企樓下...都未夠,送埋我搭"鎳"...都未夠,直情送到我屋企門口,睇埋我入去屋企,今次番屋企真係開心,咁多人送我!!!臨關門個刻,先記得同曉君講"生日快樂",點知入到屋企先發覺已經過左12點,激死我!!!不過有禮物補番,條鏈真係好靚!!!^^

曉君:

happy birthday!!!祝你"想"既野都變哂做事實

仲有!!!哈哈...下個月既今日就到我生日喇!!!

7/11

仍然冇去自修室,唉...最衰呀東同羅文啦,係都要叫我出黎,放左學,就行落去羅文屋企樓下等佢,等左佢都好似好耐下,佢落到黎,呀東話唔緊要,我就話我緊要呢,點知佢話,我用左5分鐘沖涼,都估到嫁喇,之後,等左4架91都冇位,等到4點半,先上到車,跟住,就開始行喇,行到7點幾,先決定買個樣野,痴線嫁,本身呀東話好似唔夠誠意,而我同羅文就話夠哂誠意啦,再講誠意既話,有排都唔駛番屋企呀!!!由買野開始到買完野,羅文不斷講"買比朋友都揀左咁耐,買比女朋友未..."不過份野...我好鐘意,哈哈!!!而且今日確實左1樣野"男仔諗野唔同女仔諗野;唔同年齡諗既野都唔同"仲記得羅文講左樣野,話覺得後悔(詳細內容唔講啦),而且佢仲問左我1條問題,呢條問題有2個人問過我,不過我個答案都係1樣"冇後悔"就算幾多個人問,幾時問,我個答案都係1樣"冇後悔",最後悔個樣野未就係...(聰明既你應該估到既,估唔到就代表你蠢啦)^^

8/11

今日去左1陣自修室啦,真係1陣,仲見到傳說中既呀欣,哈哈...跟住,番屋企教細妹數學,今日朝早同呀媽講"唔番學呀!!!"跟住我呀媽問點解,我就講...,之後,佢就話"唔想番學未唔好番囉"聽到佢講呢句,我即刻換3,我唔想番學,只不過隻眼腫左,唔想番姐,但係1諗起a maths教緊最優化,唔番唔得,點知番到學校,冇人覺得我隻眼腫左,哈哈...今個星期6就去打邊爐,下個星期6就去唱k(英妹番黎呀!!!)我相信今次係真嫁喇...^^