今朝仍然唔想起身,因為仲未習慣咁早起身番學,訓到7點就起身喇,今朝仲落雨,所以就帶傘喇,唉...番左2日學,真係好唔慣係學校冇左班朋友,真係好唔慣冇人陪番學,放學,食lunch呀!!!不過諗深1層,呢種情況我仲要頂到2月,哈哈...今年f.5個last day係2月尾呀!!!今日唔駛排隊,我係第1個上課室,之後,就有班男仔係出面,本身我以為佢入錯課室,原來真係我個班既,哈哈...仲未認得哂d人,跟住,再有1個男仔入左課室,今次呢個男仔就認得,因為琴日週會坐我隔離,佢入到課室仲同我打招呼,真係有禮貌!!!^^,頂到10點,就小息,之後,就上左hall聽曾sir講野,今年學校大部份既野都改左好多(1.廁所又裝潢左,2.cover playground又裝左冷氣,3.放學時間又變左3:45[仲要冇分冬令同夏令],而且有9堂,每堂35分鐘,4.有2個小息,第1個小息20分鐘,第2個小息10分鐘,(第1個小息可以買野食,不過小息完前5分鐘唔買得,第2個小息完全唔比買)5.唔准遲過10分鐘入課室(如果冇合理解釋,當曠課,記小過)6.reading堂改左係8:30-8:50(1個月睇1個星期英文書,每個星期仲要寫1份閱讀報告)7.中6中7每人用1個locker(難為我地中5要3個人用1個locker,慘...不過我地都係2個人用1個)8.多左件新既運動服(冇記錯既話)9.小食部又改左10.廁所個洗手盆改左咩彈弓式(唉...總之就用黎去水同儲水啦)講住10樣先,其他個d唔多記得

仲有1樣野好好笑,小息個陣,同佩佩個d係到傾計(係教職員廁所出面),之後佩佩話"我見到個女仔入左教職員個廁所呀"之後,camp就話"我見到有個男仔入左教職員個廁所呀"之後,曾sir行過,camp就同佢講,不過曾sir鬧緊人,唔得閒理佢,亦聽唔到佢講野,之後,個男仔出黎喇,camp就同佢講"你識唔識字嫁,教職員廁所呀!!!"跟住個男仔好無奈咁望住佢,笑死我!!!

聽日終於都正式上堂喇...

今日完全唔想起身,因為係暑假期間冇試過6點幾起身,但係點都要彈起身嫁,唉...真係好想好似超人,曉君佢地咁遲多幾日先開學呀!!!之後,就行去小巴站,唉...以前有詩琪姐陪我番學,宜家得空氣陪我番學,番到學校,門口堆滿哂人,我以為我番學第1日就遲到啦,點知係d中1企哂係個門口到,之後,見到癲癲同ping ting,跟住佢地話行上去課室,咁我地就行左上去喇,上到去過左幾分鐘,係4樓聽到曾sir話中4-7係有蓋操場排隊,於是我地又行番落去,落到去,勁亂!!!真係係到讀左5年,都未試過咁亂,之後完全唔知排邊,見到蔥蔥佢地企左係到,就跟住佢地排,哎呀!!!!!!!!!...................!!!!!!!!.............太煩喇,已經唔想打喇,好啦,今日就當打完啦,唔想再提番學既野喇,放學就去左.....................唔話比你地知!!!

學呀球講"今年我1定會好專心讀書",哈哈...只不過我地點解會專心讀書既原因唔1樣姐,仲係到諗緊drop唔drop bio好,唉...諗左咁耐都未諗好

超人,如果陪我re既男仔,你係其中1個未好囉,又可以陪我...

原來我認為岩既野,其實有10分之9.9999....都係唔岩既

既然個個都向住自己既目標前進,我都要努力呀!!!