幾日都好忙  

     真係由返星期六講起....本身自己都未好返曬,就諗住唔返童軍幫手搞旅慶d野,但係成個星期都無出過街行下啦~~~咪早上個時決定話返去幫手,佢地約我1:30返到,我遲左成個鐘(真係唔好意思 ),我一入到個門口就見到一個陌生人.....我問返個表弟先知,原來個陌生人係我表妹個新男朋友~~~做下做下就做到成差唔多9:30~.~超累.....跟住有小小肚餓就同埋呀鵬,表弟,小文去左食小小野先走!!!我得知小文都有新女朋友~~我係到替佢開心下先^.<

     星期日,香港沙田西區第二十四旅七周年旅慶<----長到爆!!!!不過都要同它講聲生日快樂先.......一返到童軍就要去佈置個場地啦~~~2:00正式開始,我個日就無特別位置既,但係就要立正企係樹,被人睇~~~真係呀....企到腳都有d抽筋呀.....玩完成個人又散多次,跟住佢地話去仙跡岩飲野.........係飲緊野既時候,呀康就無啦啦係到串我地英文差,跟住佢串完之後就話玩英文式既馬拉松,好彩我d英文有d進步姐,都可以讀到出黎...但係我個表弟就慘d~係咁被呀康串~~真係慘!!!!玩完之後佢地仲話去食飯,我真係無曬力啦,我話我要返屋企搞埋d功課先,就走先啦我~

     今日,真係累得緊要,昨晚做project做到2:00/3:00勁夜,一到早上又要8:30就起身,開電腦print野,9:30就出左門口去返學啦~~~返到學校超辛苦哦,訓又唔敢訓,驚聴唔到佢講書......去到下午SA個堂,呀Miss太好人啦,佢一開波就講上次做功課d答案,我自己又唔係錯好多,所以唔洗點聴....我第一時間就趴係張電腦枱到訓陣先,我真係頂唔住呀,我超眼訓,訓著個時真係感謝主呀><!!!!xd

     放左學,我返左去槍會到拎人工先........搞左一輪野,返到屋企8:00到~~~我簡直想死!!!!我超累....好似好耐無休息過咁~~

差不多好返啦^^  

   昨日又去左覆診,我去之前係到諗:唔好惡化呀...一陣又加藥我真係癲...!!!去到醫生到,醫生話我好左好多啦,食多4日藥就得啦~我聴到不知幾開心呀,呢個星期我食藥食到我傻呀~~~但係呢次睇醫生貴哦..睇左千幾銀,我個銀包真係得返個吉呀~返到屋企仲要準備返學....好唔想返哦,因為食完d藥好累呀....但係唔返,又會有好多野唔識,所以咪頂硬上呀!!!我出門口個時,媽媽同我講話夜晚過去沙田食飯...- -"謂有去呀,唔去又會無飯食呀,返到學校d fd問我做咩死下死下咁個樣,我話剛剛睇完醫生,又食完藥咪咁哦.....

  由1:00上到5:30,跟住先放學...呀公問我一唔一齊去吉野,我話好呀......食完我可以係個到撘車入沙田,由於時間尚早,所以我去到沙田,就上左去四E媽到坐下先,上到去就見到媽媽係到,佢係到同佢姐姐(我呀E)傾緊計,係到傾我個病,搞到被我個感覺好似當左我係外星人,要解剖我咁= ="8:00開紿係樓下酒樓食飯,我見到d野食真係無咩胃口,只係食左幾條菜就算啦....走個時先死火@@我老豆要我拎埋部腳踏機返屋企,個部既野真係重到死呀,拎到我喘曬氣,加上我仲病緊,簡直就係到折磨我><:"好彩中途舅父佢幫我拎下姐,如果唔係拎死我....返到屋企我即刻開制沖返個涼先~~~累到死呀!!!跟住沖完涼諗住訓攪,點知我老豆要我同佢燒碟....唉~~最後我要成1:00先可以訓攪....

  到左今朝,我見出面落雨落得好可怕,但係我未理,因為我要做功課!!!我一開msn,d fd就問我今日洗唔洗返呀...跟住有人話打去問下哦~~個個都唔知點解打電話都懶,跟住我咪話,我打啦~~被個號碼我....我一打去我話電腦中心呀唔該,跟住個姐姐就話呢到係,之後當我想問佢今日洗唔洗返既時候,我未講佢就話:今日唔洗返!!!我話哦,咁thank you~~我同返班fd講返,佢地都呆曬,話我被個女仔搶左句對白....唉~~我做好d功課佢先話唔洗返,玩野咩~~~跟住咪係屋企休下息呀...睇下個傷勢有無好d,如果今晚好的話咪返童軍哦~~