今日下就到左50幾箱貨

又搬到死死下 哈哈哈

再搬落去 應該會手臂粗過小腿

搭左20幾轉電梯

見到有個叔叔問我係咪做打包盒，仲加我電話，話佢係英皇做，到時候介紹啲盒比佢。哈哈

然後係樓下差不多搬完，又有伯伯路過問我係咪做打包盒。

又加我微信，又問我拿樣板，仲傾左一陣計。

佢同佢太太係南新火雞小食，只有佢地兩個做。

其實好辛苦，年紀有咁上下，傾到最後仲話伯伯成日去醫院，其實好心酸，佢話唔繼續做落去，反而仲快走。

伯伯亂講野了。

最後，佢話同我入兩箱。

我話你地可以試下樣板先。

哈哈，難得今年的至理名言，愈努力愈幸運實現了。

希望呢個幸運唔會咁快用完啦。

希望大家都身體健康。