| «‹ December 2014 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
2007 年 7 月 14 日 星期六  |
中三...好開心..  |
分類: 未分類 |
今日係最後一日既中三啦..唔好受..但今年真係好開心..
比之前每一年都要開心..有好多野係值得去記住一世..
王sir..記得學期初知道你係班主任..好驚..十萬個唔願意..
果陣覺得你係個變態佬..罰得好甘..又嚴...
但到左呢一刻..我覺得之前好傻..你係一個好老師..
會緊我地班..唔係為左兩餐..會重視我地將來..
今日你同我講左既野..話我肯讀就得..
我會記住..我都信自已有咁既能力..
我既目標就係係期考唔到全班尾十..我會努力..
我成績點都好..一定會同你講番..我諗咁可以給到我動力..
你係一個又玩得..又好人..又緊我地既老師..
做到你最後一年既學生..我好光榮..多謝你..
miss施..我記得初初覺得你好傻..剩係識同我地玩..
唔會教書既老師..當時果個唔識諗既我..覺得"有你真好"..
但後來..有好多事令我對你改觀..我好記得你好激動講過一句..
"點解你地唔好好讀書..你地知唔知讀到書將來多好多選擇"..
仲有我地班有人自已唔讀書..成績差而怪你..你會喊..
我明白點解會咁..因為你真係好有心機教我地..
之前有一次..因為我唔肯去做畫劇..去搵miss姚..
令你好尷尬..仲對我好失望..sorry啊..我唔夠膽去試新野..
我諗你簡我..有你既理由..出發點一定係為我好既..
此時此刻..我真係覺得"有你真好"..好想上番你既堂..
同3D既同學一齊好開心..好舒服咁上一個學到中文..
學到做人道理..學到要有人性既堂..可惜好難有咁既機會..
我自問無好認真咁去上中文堂..對唔住..我應承你..
我跟往兩年一定會努力..做唔到好出色都好..
最少會入得番來..做個一個自食其力..有用既人..
多謝你今年對我既所有教導..我好開心可以做到你既學生..
我記得今年有好多好開心既事..打頭陣既係聖誕party..
玩得好開心..老師學生打成一遍..去食野..去玩..
係最開心既一個聖誕..
之後既宿營..去左東涌..好偏僻既地方..有大半班去..
入到去做左好多事..打機..踏單車..上山.."企圖"睇日出..
玩沙..拾貝殼..燒烤真係好有印象..記得我同andy好辛苦透爐..
之後一食得..d人就坐落去..搞到我都無位..心灰意冷..
但其實只係一d小事..人之常情..係一次好好既經驗..
跟往同王sir+同學們打機..正爆..然後同班同學仔玩耍盲雞..
好激..不斷咁將d野飛來飛去..跟往我仲忍唔到ban au..
推左佢一下..門就爛左..好彩整得番...
到上山睇日出..果陣好黑..d斜路仲好難行..好辛苦上到去..
點知睇唔到..都幾灰..之後去左沙灘坐..都係好正..
入去都無訓到..到出番來..第一次坐船..好舒服..
一陣陣正到爆既海風..個人又好攰..真係好舒服..
呢兩日..我諗係中三同3D既人最開心既日子..識到一班好好既朋友..
仲有五人足球..好灰既一個冠軍..我無出過力..
應該係無機會出..我自問唔係一個只係為左齊人先叫既球員..
可能我係五人場真係好廢啦..但未到呢個階段..
足球隊..今年第三..無d咩刻骨銘心既比賽..
對隊友們都無咩回憶..
同學方面..初初好憎鍾惠鋒..覺得佢癡女仔..扮傻仔..
搞爛gap..之後同佢熟左..發現呢個係真既佢..
就覺得佢冇咩野..肯幫朋友..好平易近人..真係一個唔錯既人..
唔可以唔講ryan..今年同佢玩得好開心..我不斷咁屈佢..
希望佢知我玩下啦..我仲係咁話佢自閉..無朋友..
其實我都係唔想佢到大個諗番自已既童年..只係打機打機..
會後悔..我地下年無得一班啦..希望我地兩個都可以生生性性..
一齊到中六再一班..加油努力..
仲有e-yan..我諗唔使講出來..我地既事..我呢一世唔會唔記得..
|
|
