今日要返學校補西史呀 .. 7:45am 有人打電話黎叫醒我 ! 哈哈
可惜丫 .. 返9點都遲左半個鍾呀 ,, 都唔知咩事 "
跟住都係咁喇 .. 發下夢 .. 寫左2隻字就走得lｕ*
陪自閉去將軍澳 .. 點知佢以為103M 係 103 .. 佢重要上左車先知 = =
100個無奈 ..
跟住又要搭返去寶琳 .. 真係好煩架 !
去到 .. 自閉原來記錯時間 ..
咁只好等埋平 .. 同埋睇下一場喇 。 嘻
唉* 我都唔想睇 .. 不過算喇 ..
睇左半個鍾就走左喇。 因為 .. 去搵隋先生嘛 //
跟住 .. 又唔想行 .. 所以 ,, 佢就陪我搭車返屋企喇 ‥
哈哈 ﹏ 行左好耐先返屋企呀 ..
重愈行愈大雨呢 .. 好彩有遮 !!
返到屋企 .. 唔知點解 .. 一坐就訓著左喇 .. 可能因為太攰了*
 [[ 今日先清楚明白 .. 原來我一直都做緊一樣令佢唔開心既事 ]]

星期 5 個日 ,, 係我最傷心的一日呢 !
前 2 日因為唔開心 ,, 所以就好想見隋先生喇 *
滿懷希望佢會黎搵我 .. 點知 ,, 佢一句話 " 無地方去就唔出黎喇 。"
就無出到去了 ! .. 我既期待也變失望了 "
個一刻我淨係想喊咋 .. 其實都喊左出黎了 !
嘻 * 謝謝paｇe了 ,, 她安慰我很久 ‥
到 5 點幾 .. 我仍然好有希望咁 諗住打電話叫佢出黎食飯 ..
點知 ,, 佢出左街 .. 呢 2 日又因為無左電話，所以搵唔到佢呢 ..
多謝同我玩信息 .. 以及安慰我的。   THANKS A LOT !!
到 11 點 ,, 佢終於返到屋企打電話俾我喇 ‥
我重係度喊緊 .. OH" ,, 個陣真係乜都講唔到呀 !
一直都無出聲 ‥
點知 ,, 一講第一句野就俾佢發現我喊了 。
一直都無講野 .. 收線後 ,, 佢seｎd信息俾我 ..
個陣我先知 .. 原來佢係學校有d事 .. 總之就有好多野令佢心情唔太好喇 ‥
但 .. 傾左幾個信息之後 ,, 佢又打黎 .. 反而叫我開心d呢 //
其實 都有d內疚 .. 因為 .. 我怪佢唔黎搵我呀* 唉。
跟住到星期六朝 .. 佢差唔多 6 點就過左黎九龍灣搵我了 *
之後就陪我去油塘 .. join埋亞敏去考地理 〞
見到亞敏時佢就走左lｕ"
ｕm ,, 地理啲圖畫好靚呢 !! 彩色架*  嘻。
其實 .. 都唔識做 ‥ 我同亞敏係brｅak個陣重聽到d人講考成點喇 …
我地 2 個只係可以笑咋" 佢地話亞siｒ叫溫個d無出到 。又討論d題目 .. OH"
考完因為考到好攰 .. 所以就返左屋企喇 //
夜晚佢又黎過搵我 。 我都知佢好攰架喇 〞 可能因為佢見我之前個日好唔開心，所以又黎搵我喇 …
嘻 .. 食完飯 .. 坐多陣就走左lｕ‥
   [[ 想感覺到既 .. 最終也是感覺到! ]]

昨晚既心情十分差呀 ,, 無原因的 " 嘻
更年期既徵狀。 OH ,, 弊了 ‥  [[ 也許真的老了。 ]]
尋晚 3 點幾先訓呀 ,, 一直等人係ｍｓn度理下我 。
點知到我ofｆ個刻同佢講野 .. 都唔理我 // 哼! 算數!
嬲呀 。 但係 .. 又好似太小事了 …  嘻*
跟住 ,, 今朝早又唔肯起身 " 真係唔係講笑 ﹏
幾驚趕唔到呀 ,, 好彩無遲姐〞
今日考Econ呀 ,, OH*　本身以為好難‥
但係分卷同學校考試分卷出D野 ,, 同類既 ,,
嘻* 我都唔識 ... 50分個D淨係做左少少咋"
係唔夠時間 !! 我都唔想的。 如果可以拎做MC去做LC就好喇!!
算了〞 希望可以合格喇 ,, 我想要6科合格*  目標來的"
重有 3 科 ,, 地理 .. 真係唔洗諗合格了 ..
2年黎 ‥ 無點讀過 。 哈哈 __
　　　　　　　　　　　[[ 會考過左 5 分 2 了… 很快! ]]

昨天 ,, 考了一科我最有信心合格的一科 " 數學呀 。
嘻 ‥ 希望真係合格喇 !!
uｍ,, 考完就返左屋企 .. 訓教 .. 嘻"

今天 ,, 到了考中文了 ..
又係去女書院考試呀 ,, OH*
想睇下有無靚仔都無機會．全部都係女仔黎既"
呢2日我見到唔少既小學同學 ,, 但係無奈的是無一個人記得我呢 !"
中文其實我都無咩點溫 ,, 入到去真係 有8成係考天才的。
本身諗住會早走架 ,, 唔識既話 ‥ 
點知好多都係我識識地既* 嘻 ..
但係 ,, 甲部我做左一題 ,, 乙部做左三題咋 "
姐係 ,, 重有2題無做過 .. 唔知會唔會唔合格呢 。
篇文就係我作咁多篇文以黎 ,, 最差既一篇 = =
真的 。 唔係講笑 ,,
之後 .. 嘻‥ uｍ ,, 就係咁囉。
考完重去左diａmｏnｄ　ｈｉｌl 同paｇe食野tiｍ。
不過今天是快樂的一天 !!

今日我考listening呀 ,,
因為係星期六既關係 .. 亞敏去左特考 .. 而我就要自己一個去考喇。
唉* 因為要自己去既關係 ,, 所以唔想咁早去到企。
9:15開考 .. 我8:35先起身 。 嘻 //
其實我去個間學校 .. 只係係屋企樓下搭車 ‥ 好近的"
去到間學校 ,, 岩岩好入得去 .. 好好彩呀〞
教電台個陣好緊張呀 .. 好驚會教錯台 *
咩都聽唔到就弊喇 ! 不過以我咁聰明既頭腦 ..梗係無事喇 ,,
個考試都係咁喇 .. PART B其實都唔係好識 //
一路作一路發夢 ,, ｕm .. 不過都有少少期望既。
考完之後 ,, pagｅ就打電話黎喇  … 講左2句 。
跟住我就打俾佢 ,, 嘻* 佢逄星期六都去踢波既 〞
咁我就返屋企 .. 因為好眼訓呀 ,,
到佢訓到屋企就打電話俾我喇 ‥
一開電視 .. 就聽到有人作弊既新聞喇 ..
其實都對我無咩影響既 .. 不過我只係覺得好唔抵姐。
真係識個d又岩好多 ,, 真係唔識個d又岩好多 ..
     [[ 好了 ! 下次再談吧 * ]]