當大家談論到夢想時，我從少到大都有一個心願，就是能穿得下中碼或以下的衫！

他我不認識，但我每天都在發夢，希望他朝有一日我都可以好似佢咁！

不要少看我這個夢，對很多人來說可能是理所當然的事情，但對於一個肥足２０年，每一日就係比人稱呼做「肥仔」既男仔，絕對係一件十分奢侈既事！所以我決心要減肥，由細到大既觀念係，如果我要減肥，我就只有「食少ｄ野」，咁就一定減到肥啦？

但好可惜........

我本身係一個愛食之人，不論餐廳或小吃，只要我認為是好食的，我都很喜歡「喪食」一餐！以前因為做迪士尼既關係，所以我一得閒就會去酒店同女人自助餐一釩，實行「食到佢盡」！

不過，每次瘋癲過後，望住自己既肚腩，望住自己難看既樣子，難道這只會永遠是一個夢而已？

大家好，我是亞歷山大，我的故事全由「香港迪士尼樂園」這奇妙的地方開始！

可能跟大家不相同，由我初次踏足這地方，我就已經是一位演藝人員，是負責每天把奇妙帶給所有賓客的一份子！由於我有在酒店工作的底子，所以工作很快上手，亦不怕跟賓客門聊天，因為這正正是我的強項！哈哈∼

很快，我邂逅了在生命中的女主角，在這浪漫迷人的地方，跟她一起工作。不論走到那裡，我都會盯著「更表」，看看究竟她身在何方！我們很快便成為了好朋友，而且大家有一種說不出的感覺.....

這位女主角是我所交過的女朋友中發展最快的一個，我們由認識，到走在一起，前前後後只「投資」了三天的時間！(她為我的荷包節省了不少....哈哈)，而我們之間的感覺一天比一天強烈！

登登登登，這就是我跟女人從前的照片！對，是從前，很肥很難看，對嗎？我這個樣子足足對了２０年！曾經試過Ｎ咁多次要減肥既我，試極都失敗，試黎試去都冇一個最好既方法！不過好在我遇到女人，雖然佢由開始到而家都唔覺得我「肥」有咩問題，但我眼見佢身邊個個都係型男索女，睇番自己就......

我既故事就呢度開始了！