2013年06月14日開始我既香格里拉之旅,今次既旅行係同思姐姐,同佢一個朋友(B姐)同佢朋友既男朋友(藍生)一齊去,
6月12號就番左西鄉,
6月13號就先出發去東莞,
14號一早先再係東莞出發去廣州機場,
14號一早既意思係淩晨4點鐘XDDDDD
4點起身好似做賊咁,個晚十點攤落床,其實唔係好訓得着,
到一點幾仲未訓着...4點鐘就起身,好眼訓好眼訓
不過係車上面睇日出~~另類的感覺,我地坐6點幾7點既飛機,飛香格里拉~~~~
去到機場check in左,去完個洗手間番黎,俾人開名XDDDDDDD
呢程機要兩個幾鐘, 去到香格里拉差唔多十點鐘,落機有D涼涼地,
然後去左搵個藏族朋友 萬札 ,
點知佢冇黎到,叫左佢侄仔黎車我地,佢重感冒唔舒服....
然後我地去左食野先
當地特色既野食...酥油茶
係由羊奶整成...
飲落去...好淡.咩味都冇...
因為聽聞呢度既野都唔好食...叫左個最穩陣既米線...
呢個米線...都係冇咩味道XDD
食完之後就要坐車
因為我地一黎就去香格里拉最遠個度,然後再慢慢玩番黎...
一共要坐5個鐘車,D路好危險好危險
都係山路,隔離就係崖黎,隨時掉落去
路上仲見到一架車反左係路上面,原來係早幾日佢係上面掉左落黎!!!真係好恐怖!!!!超級驚...
D路左轉右轉,架車左飛右飛,又唔識個司機,真係好驚,雖然好眼訓,但都唔敢訓。
一路上都要不停清毒,睇黎有D事發生左...
清左幾次...有時仲要落車tim...有次仲去到警察既站度,要司機填我地既行程表...
我地問司機(萬札既侄仔),佢話佢都唔知道發生咩事!!
去到月亮灣,落左車,原來呢度係其中一個景點黎,可以買飛入去睇個條溝...不過我地冇咩興趣,就落車睇睇就算了
香格里拉好乾燥,要成日搽潤唇膏...
係車上面...收到一個好差勁既消息...我地今晚住既地方...竟然停電呀!!!停電呀!!!!!佢停電呀!!!!!!!!!!!!!!!
話前一日有架車撞埋去條供電柱度...全部都停電呀!!!正在搶修中...
佢話今晚, 佢地個度會自己用發電機發電,叫我地唔好擔心...ORZ
出門遇到既事太多喇!!!
路上見到白茫雪山
到左我地住既地方既時候(季候鳥)...只係5點幾...
我地check in左...就放低D野
間房太靚...好鍾意呢種感覺!
係窗望出去,就係咁靚既景!!!起身都有衝勁D!!
係呢度,做咩野都要慢慢黎,因為係海拔2750米, 雖然唔算高,但都好易會有高原反應
但原來有高原反應既唔只係我地,連薯片都有!!
思姐個包薯片爆左...
我們的珍珍呀!!!你做咩有高原反應呀!!!!!!
呢個地方既烏蠅,同蟑螂差唔多大細,關左窗都可以聽到佢地既聲音...
我地住既呢度係梅里雪山附近,有D房可以睇得到雪山...B姐佢地住個間就可以睇到
然後休息左一陣就去左出面既白塔睇左兩眼~~~~
轉經筒,要一邊諗自己既願望,一邊順時針轉佢~~
個度既人可以轉一日,就好似人祈禱一樣
呢兩條友仔,冇眼睇佢地
然後去左城入面食野...
D野食咸到冇得再咸...
真係超級超級超級超級超級咸!!!!!!!!!!!!!!!!!!!
個米線係好食既,但D餸全部都係好咸好咸!!
係香格里拉,菜係貴過肉!!
四周都可以見到牛羊,但唔會見到人種菜...
食飽番到去仲停緊電呀!!!!!!!!!!!!!!!!!!!!!!!
黎既路上沙塵滾滾,全身都係沙塵...好想沖涼...
於是我呢個散光,黑暗中睇唔到野既人決定摸黑沖涼!!!
係真係摸黑嫁!!!我間房係地下,廁所個窗出面就係間野既大門口...
窗簾一定要關,唔係就俾人睇曬...個種窗簾係完全遮光既窗簾,一定光都冇...
我係呢個咁黑暗既環境下,左擰右擰,擰左好耐終於俾我擰到個暖水出黎...
係高原,係唔可以沖咁熱既涼,唔係既話好易會高原反應,而我習慣左沖比較熱既水...
於是沖得唔係好爽...不過都係應該既,因為到呢一刻為止,我只有小小耳嗚,其他咩反應都冇...
沖完涼,冇電!!!!!!!!!!咩都冇......
於是,我訓左一覺
到8點幾時終於有電,話供電設施已經整番好~~~~~開心到轉圈!!!!原來電係咁重要!!!
本來打算係床度攤一晚,點知俾B姐佢地叫左上三樓...
三樓...係我而家好懷念的地方...浪漫到呢~~~
黑暗中帶點光XDD
係個度,我地食水果,食包包,食餅乾...
食食下出左露台行下...
那星星...大到呢...光到呢...多到呢...近到呢
係絕對想像唔到有幾大有幾光有幾多有幾近...只能講同想像既會差十萬百千里...
美景永遠只能留在心中...相機手機點校都影佢唔到...
星星真係好靚...而家番左黎香港,覺得最難忘既就係星星!!!!!!!!!!!!!!
好想睇多次呀!!!!!!!!!!!!!!!幾時先有機會睇到咁靚既星星!!!
入番去既時候...我地就係度玩飛行機,飲薑棗茶...杯薑棗茶好暖胃好好飲...
飛行機絕對係聯誼的好方法...個對情侶係棋盤上談情,完全冇眼睇佢兩個...
我地玩到十一點,人地要打佯我地先走...
然後問個負責人聽日幾點日出...第二日準備一早上黎三樓睇梅里雪山日出!!
佢話大約6點25分會日出...於是我好興奮咁彈番落地下...然後...然後...然後我就又出現耳嗚...
係咪呢係咪呢,都話係高原咩都要慢慢黎嫁啦,彈落去彈得咁開心呀喇,耳嗚喇,抵死啦!
而第二日要上明永冰川,海拔更高...
於是...親愛既B姐叫佢男友送左4粒紅景天抗高原反應藥黎俾我地呢兩個因為太興奮而唔舒服既小朋友食...
食完之後...我地開始訓覺...準備第二朝上三樓睇日出!!!!!!!!!
|
