草稿箱中的第4篇...唔知呢篇野會唔會打得完XDD

每次打到一半就停左手...之後打番,心情已經唔同左...

已經6月份...考完DSE成個月...開始進化成一隻豬...哈哈哈!!!

呢半個月開始番工...不過一星期只係番兩三日~~~~番完三日又放四日假...爽!!!

雖然呢份工唔算吃力,但有時對住喲唔講理既客人,都幾頭痛...而重點係每日都係得我自己一個人番工...

番左兩個星期...我已經變左個拆紙皮箱神手!!每日收貨拆貨上貨執貨,拆同摺太多紙皮箱!!

其實一日都有幾多野做,一有人黎都要入番資料

每日都要sd report俾所有租左locker既人,逐個逐個sd, 然後仲要埋數...

第一日番工個日都係自己一個人,有人黎教完我一次,就留我自己係個度,

埋數時竟然唔岩數,多左600蚊...本身九點放工,但因為未sd完report,同條數唔岩...最後boss叫我走先,第二日幫我睇...

到成九點幾十點先走...走既時候一心諗緊條數點解唔岩,諗諗下俾狗吠...嚇死我...

佢吠我大聲到成條旺角行人專用區既人都望過黎...

第二日一早番去再數一次...竟然岩數...原來係自己白痴...將4張100蚊包住左,數既時候當左1000蚊...

到左第二日晚,收工時俾同一隻狗吠...真係覺得自己好似同狗調亂左骨頭一樣...

上星期三番工真係黑仔到爆炸!!!

搭地鐵時人多,俾人勾爛左我個袋...算了...

一出地鐵站...佢即刻落雨...我一入到商業大廈,佢停雨...我有帶遮,所以算了...

有化妝品貨番,一開箱,發現有枝油爆左...其他貨都油淋淋...

我呢個人真係做唔出唔理佢,直接放曬油淋淋既貨入locker既行為...

於是我點曬貨之後一枝枝咁擦乾淨佢...因為係我自己既決定...都算了...

當我坐番埋位飲啖水...個水樽爛左!!!!!!!佢條帶斷左!!!!!!!!!!!!!!

我當堂受打擊!!!!同一日爛左兩樣野...

於是望一望時間...五點幾...哼!!!本小姐心情差!!提早叫野食紓緩心情!!!!!!!!!!!!!!

佢送到黎既時候...我絕望了......

我叫牛腩魚蛋米線...佢送左沙嗲牛肉米粉!!!!!!!!!!!!!!!

天呀!!!!!!!到底我個日做左咩錯事!!!!!!!!!!!!!

於是我認左命...低頭食我的沙嗲牛肉魚蛋米粉......

係我認命既時候...發生D好驚喜既事,驚喜到我覺得全日咁多野都係為緊呢樣野舖路...

於是我好興奮,心情超級舒暢咁收工~~~~~~~~~~~

雖然俾人話我白痴,因為咁小事就唔記得曬全日發生過咩事...仲係咁提我今日爛左袋爛左水樽,擦野擦左成粒鐘!!

不過件事太驚喜太開心太感動XDDDD

聽日繼續番工~~~呢個星期行程太多太忙碌~~~

星期一,二番工,星期三番大陸,星期四去廣州,星期五起飛,出發~~~~~~~~

MY旅行~~~~期待ing~~~~ing~~~ingggggggg~~~~~~~~

嘩!!!我終於打得完一篇blog!!!!好感動T~T