第二天一早6點鐘鬧鐘就響了...

不是不想起...而是起不來...

心口悶悶的, 不舒服...估計起來迎接這太陽太興奮了

我跟思姐起床到出門十分鐘內就可以了...

兩個不舒服的人就懶了一下床XDD

懶到6點10分...不行了...

人家太陽6點25分出來...最後就逼着起來...

一起來,真的不舒服,那想吐的感覺都來了...

那就放慢點腳步...最後我們6點23分才離開房間上三樓去...

一上去...多雲呀!

其實多雲也很美...

手機拍不出來你的美...美景的確只能收眼內啊...

這時候一定要說說這雪山呀!!

其實梅里雪山是叫卡瓦格博,亦都係主峰既名, 呢一系列雪山就係梅里十三峰, 十三係藏族佛教黎講係一個吉祥既數字

卡瓦格博從來冇人成功上過去峰頂...當地人認為, 一旦有人登到峰頂, 保護佢地既神就會離開

有好多人都要挑戰登上山頂, 但唔係天氣唔好,遇雪崩死, 就係體力唔夠,上唔到去

聽完之後覺得有D......................................................

不看梅里雪山, 旁邊的風景也很美...

在香格里拉,一沒有太陽就冷啦!!!!看這日出, 好冷呀...

我羽絨都出動啦!

然後去食早餐了

呢個早餐冇得選擇, 係包埋...

有紅豆粥, 饅頭, 蛋...

都幾似我地平時食既早餐...而且味道不錯

不愛食紅豆既我,好慶幸D粥冇咩紅豆味呀~~~~~

食飽早餐就出發去梅里雪山國家公園啦~~去看明永冰川

買飛...我又出動我既信義學生證XDD又一個半價!!哈哈

行上冰川來回要5個鐘

本來就打算走上去的...走左上去兩分鐘...

我地原路走留落黎...選擇第二個方法上去--騎馬

我呢個人咩都驚一餐, 本身騎馬已經係第一次, 仲要騎上山...我真係驚...驚...驚...好驚...

因為馬唔多, 我騎既係騾...不過都當佢馬嫁喇...

上馬時...我驚到呢...那個大姐叫我踩住近自己既呢邊,然後跨過去...

好好好, 跨過去跨過去...我跨...我跨...我跨唔出...

就係驚, 好驚...驚咩?驚我跨到一半佢跑走左...咁我咪墮馬...驚...好驚...好驚死

然後見到思姐已經上左佢隻白馬...我就鼓起勇氣跨過去...

一跨...OH~冇事...一D問題都冇,得我仲擔心左好耐...

好啦...過左一關喇...安左一半心...之後就騎住佢上山...一個人就睇住兩隻馬...

我同思姐個隻白馬都係由大姐睇...咁佢就拉住我隻騾, 走上山去了...

問左大姐, 佢話我隻騾11歲, 白馬7歲, 通常4歲就開始俾人騎...長命可以有70歲

那山路...恐怖啊!!旁邊就係崖...我一跌落去,就死定了...

而隻騾就偏偏偏偏偏偏要行最邊邊既地方...哎,騾呀騾,你知唔知坐緊你既人畏高又驚死...你咁樣會嚇死佢,一陣佢一叫又嚇親你...

一路行,一路見住隻白馬辦大事...好想笑...但真係好臭XDD

我咁大個人, 都未見過有一種生物可以行咁耐屙足咁耐...

說真的, 這段路一個半小時...我叫了不少次呀...而隻騾, 又走下停下,唔肯走呀...拉都唔肯走呀...鬧脾氣,太有性格!!!!

一邊行, 佢條尾一直fing我...就好似俾人地條辮狂fing咁既感覺...

佢地去到某個地方, 識得自己停低飲水...

走到半路, 馬兒們要休息一下...我地就要落黎...呢個落馬太考起我...唔識落...好驚一落佢又一腳將我踏到大西洋去...

然後大姐過來俾我扶一下...叫做順利咁落左地...落到地...唔係好識行路, 個大脾內側有D麻麻地XDD唔識行路

休息左一陣就又上馬...今次上馬,冇咁驚,但一冇咁驚,就上唔到喇...跨左過去,踩唔住個腳踏,

驚得濟,捉住左佢既毛...一掂到佢既毛,我仲驚...好不容易冇跌落地, 坐穩左...我聽到取笑聲...ORZ...

繼續上路去...路好難走...個頭鄧下鄧下咁...去到某段路, 因為危險,要落馬自己行, 馬就行佢地既馬道...我地行我地既棧道!!

白馬同我隻騾係拍檔黎, 每日都一齊行, 而騾一定要行係白馬後面...

有時行行下, 有其他馬插左隊, 插左係佢同白馬之間, 我就賴野喇!!!!!!我隻騾就係突然加速, 衝番上前插番去白馬後面...

佢個速度... 足夠嚇到我叫到有迴音...嚇到我死!!!好彩我死捉住個扶手唔放...唔係我應該俾佢拋左去後面, 跌死左...

係最後上山既路...隻白馬拋離到好遠, 自己帶住我個思姐行得好快...大姐叫佢停都唔停...

嚇到思姐係咁叫XDDD個日,成個山應該就充滿住我地既叫喊聲XDD

坐馬坐到某一個地方, 要落馬自己行上去冰川度...

因為我地騎馬騎來回, 帶B姐同佢男友隻馬既男人叫我地番落黎時大叫佢地

我同思姐問要點叫佢,佢話: 你叫我"加賽"吧!!你就大喊"加賽"就好了...

我們問: 這是你名字嗎? 佢話: 是!

行山路,行斜路, 我行兩步就氣喘...這都是高原反應...(唔理佢係唔係我都賴佢係)

離遠望到冰川, 諗住就快到...點知行黎行去都未到...我的媽呀...我氣喘喘到我好辛苦...

這裡是海拔3200米...比起住個度仲高...所以走得真有點辛苦...大姐說我們走15分鐘就到了...我們走了半小時...

終於上到去...

睇左半個鐘, 就落山了...落去時, 當我地準備大叫"加賽"時, 佢出左黎, 然後我地同B姐講,佢叫"加賽"...B姐話: "加賽"係靚仔咁解...

好啦...我兩姐妹被人騙了...幸好沒大叫...不然每個人都黎應我地

上馬前要行到好下先可以上馬, 因為太斜,好危險...行既係山路,有好多石仔...有次唔小心踩中樹枝...一碌...唔小心碌左兩步...好滑...

行路時除左要留意石仔樹枝, 仲要留意馬屎...

落山時...因為上馬速度既問題, 全程都得我同思姐同大姐...我地同大姐傾計...

大姐說, 因為佢地細個未俾得人騎時都係訓練佢地行邊邊,俾路人行, 所以大左都繼續行邊邊,改唔到...

又話佢地好愛惜生命,一樣好怕死,所以唔洗驚佢地跌落去

坐落去既時候, 個身就同戲入面騎馬既人一樣,上下郁黎郁去...

有次突然間隻騾停低左, 我本身以為佢又鬧脾氣, 點知佢個頭係咁整我隻腳...

大姐不在我身邊...係前面白馬度...

係呢個時候...我當然都係度叫...最後大姐擰轉頭, 話, 不要怕, 有蟲子咬牠, 牠抓一下...

我冷靜番, 望一望...原來係我隻腳阻住佢R痕...

但我未回過魂,佢已經向前行...但我岩岩太激動,連腳踏都踢甩埋...佢又已經走緊...我隻腳係一搵個腳踏都搵唔到...

一叫大姐, 我就搵得番...

突然佢又停低左...原來佢要辦大事...佢太有性格, 同白馬唔一樣, 唔鍾意邊行邊屙, 要屙曬先行XDD

屙完佢仲要fing頭, 然後D塵就飛曬去我度...

騎落去騎左75分鐘...好攰同埋好驚...恐怖過上山好多..

個時只係兩點...早出發, 時間感覺上都多D...

然後我地去左飛來寺附近食野...

D野又係好咸...我估佢D野咁咸係因為佢地會先將D食物用鹽整過曬, 咁先放得耐

然後煮既時候又調味...所以就好咸...

我地去到發現原來飛來寺就同季候鳥出面個白塔差唔多, 於是我地就冇買飛入去睇

思姐兩日黎既高原反應都冇消失到, 食左膠囊都冇用...而騎馬個大姐話口服液先有用, 於是我地就去左買紅景天口服液...

然後仲買左D水果食...

食完買完就留去季候鳥休息休息

番去既路上遇到石崩...塞車...塞車個時個司機去溝女...同人微信...微到走得都唔知 -___-

番到即刻沖涼...有電真好, 我終於睇到D水點開喇...我琴日係咁左擰右擰, 一直D水都唔熱...原來係因為我一直擰凍水出黎,關細個熱水XDDDDDD

呢度太乾, 兩姐妹沖完涼一齊敷左個面膜...訓左一覺...

然後夜晚係季候鳥既餐廳食牛肉火鍋~~~~~食之前冇諗過咁好食...冇影過任何一張相XDDDD

那牦牛好好食...粉絲都好正...然後我竟然愛上左食蕃茄, 生蕃茄點白砂糖好正~~~~

食飽之後我地食西瓜食芒果, 仲請左個度既人食...

最後一程...就係上浪漫的三樓睇星星, 飲薑棗茶, 玩飛行棋

聽日就要坐留N個鐘車落番去香格里拉機場個邊...係個邊繼續玩...

好唔捨得D星星...好唔捨得呢個咁靚既民宿...好唔捨得呢度咁友善既人...