前一晚同三個醉伙伴俾6隻狗圍完...
呢一日決定遲起...唔再6點起身...訓到自然醒!!!!!!
自然醒...係9點鐘...係海拔高既地方訓覺唔係好訓得到...訓得會有種好奇怪既感覺。
一起身, 去左梅里花園出面既小食店食早餐...準備出發去普達措國家公園...
此時思姐唔記得塗防曬, B姐又唔記得拎佢條絲巾...於是我就做跑腿番房拎...
自己一條友番去...仲有狗既陰影...不過唔諗咁多...
一入到去...有4隻狗係我右手邊同其他遊客玩緊...所以我穿唔到過去上樓梯...
既然如此...我繞路...狗出現時, 有路繞我一定繞...
諗住今次仲唔俾我過到關之際...樓梯上面有隻狗企係度...望住我...
隻狗當時就企係紅地毯個度向下望住我...
我腦海中突然出現"逃跑"呢個詞語...不過我咩都未拎...唔可以就咁番去...
我慢慢向前行...一直偷望樓梯上面個隻狗...唔知佢係唔係感覺到D野...佢自己跳番落地, 讓條樓梯俾我上...
咁我就上啦...不過當時腦海一直出現好多幻想XD 幻想佢係我上樓梯之後又跟住我上樓梯...
所以我一直都偷望後面佢有冇跟上黎...望到佢冇跟上黎我就衝左上三樓,番房拎野...
拎完野...係露台望落去, 望下D狗係邊度...再決定我離開既路線...我覺得我行番岩岩個條樓梯太危險. 萬一隻狗突然出然咁我就大劑...但係上三樓得一條樓梯...
於是我好聰明咁用呢條樓梯落左二樓然後係二樓繞去另一條樓梯落地下...成功繞過曬梅里花園入面既狗...
點知去到大門口...WHY!!!!WHY!!!!WHY!!!點解要有流浪狗...我無路可走無路可繞...唯有假裝鎮定行過...但其實驚到心跳得勁快...於是我成功冇俾狗吠冇俾狗圍...番到去早餐店...
食飽就同司機會合, 出發去普達措...司機話佢姑爹琴晚都醉左...哈哈哈!!!原來醉既唔單止係佢地三個XDD
係車上, B姐突然大叫: 呢張相幾時影嫁!!!我問: 邊張相呀!!
佢: 呢張呀!!
我: 係臨走之前佢送左條白巾俾我地, 你叫司機影嫁XDDD
佢: 我叫影?我冇印象喎...我連我琴晚點入房都唔知道!
我: 我開門俾你兩個入XDDDDDD
藍仔: 我只係記得我係三樓嘔左...
思姐: 我只係記得我俾狗圍...
我: 俾6隻狗圍住, 嚇死我!!
藍仔: 思姐好似喊左...
B姐: 係咩?思姐有喊咩?我記得藍仔嘔左...其他咩都唔記得!
我: 你地琴晚勁搞笑, 係古城入面一路行一路講: 我地要保持清醒, 要保持清醒!!
然後我地幾個就一直回憶琴晚既事XDD佢地三個斷曬片!!!!
去到普達措,我既信義學生證又出動了...又一個半價...
因為去到碧塔海, 海拔四千幾...於是為左保險, 就買定左枝氧氣...有唔舒服就聞一下...
然後我地就坐車入去...呢個公園主要分成三個景點...
坐車去第一個景點--屬都湖
係呢度, 有三個選擇可以去到第二個景點
1. 行個半鐘
2. 繼續坐車
3. 50蚊坐船, 半個鐘
因為B姐暈車...於是我地落左車先...佢去左廁所嘔左, 我個百寶袋入面備有喇叭丸...食完就再出發
我地諗緊點去下一站時,就決定係度行下先再決定, 行得太攰最後番黎搭車/去搭船
呢個國家公園真係好保護D花草樹木, 佢一早講左唔可以踏草地, 期間有其他遊行踏落去草地影相, 之後立即俾人大鬧...
個呀哥係度大叫: 你地幾個在做什麼!!上來!!!
然後D人就嚇到上黎去...
超級惡但又好好笑...
欣賞左一陣呢個風景就決定搭船
半個鐘後就到左一個地方...中站休息...
然後先再坐車上去第二個景點--彌里塘
係呢度, 我地三條女好踹氣...
冇做D咩都咁...於是開始做我地既氧氣...
到第三站--碧塔海
呢度要自己行2個半鐘
或者坐船然後自己行半個鐘
因為車上面個介紹話路上會有松樹, 會有好多野睇,
所以我地決定行, 而呢D路都係好好行既路~~~
我地就行左三個鐘呢D路
我地行得係比較慢XDD
但的確係好舒服...香格里拉20度既舒服天氣...加埋大自然...爽...
行既路上見到三次松鼠
呢個國家公園係真係好保護環境, 唔係單單止有呢D牌
佢到處都有人睇住遊行...你想落一落去草度都難...
佢地話一俾人踏左, D草就唔識生花嫁喇...所以唔俾人踏...
行完之後, 都兩點鐘...肚餓
於是我地走人, 去食野...
係走個度有燒腸仔燒粟米個D, 買左4串食完先,再去食野...
食飽番左梅里花園休息完先再出發去松贊林寺
係休息既時候, 因為太陽好大, 會有熱既感覺...而房門有一塊布,於是我地冇關門
休息既時候, 我同思姐都攤係床度玩手機...
突然...有隻狗伸左個頭入黎...同我對望...
!!!!!!!!!!!!!!!!!!!!!!!!!!!!!!!!!!!!!!!!!!!
係個日圍住我既其中一隻大狗
佢做咩會上黎三樓, 仲係我房門伸個頭入黎望我...
我立即坐起身: 思姐思姐...哎....有狗...門口...狗...狗...門...狗....
思姐: 邊度...係喎...我地關門關門...
不過門係另一邊, 要落床先關到門...
於是思姐鼓起勇氣關左隻門佢...然後我地唔知一陣點算
係個窗度偷望隻狗, 發現佢走左去另一邊晾衫個度...
不過三樓得呢條樓梯...都唔知一陣點走好...然後隻狗唔見左影...我地就唔理佢...
個晚就係6隻呢D狗圍住我同思姐, 相上面有兩隻...亦都係呢種狗出現係我地房門口...
然後我地就出發去有小布達拉宮之稱既松贊林寺
去松贊林寺都要買飛...我既學生證又出動...又一個半價...
係門口入到去...行左幾百級樓梯先上到去...
我當然踹氣啦...
然後入左去好多個寺參觀...
入面唔可以喧嘩, 唔可以影相, 唔可以戴帽
同埋廟既門檻唔可以踏...
入到去要順時針行...有一個房入面好黑好黑...有D佛係度, 但太黑, 我咩都睇唔到...
我地就一個拉一個, B姐帶路, 拉住衫尾行...係黑到我好似盲左咁...
去到其他房就好好多...佢有點蠟燭個D...睇左好多好多間...
出到黎去左轉個轉經筒
要順時針轉3個圈...
睇完先6點幾
香格里拉呢度8點幾先日落...
我地就番去梅里花園放低野先再行古城同埋食燒烤做晚餐
放低野時B姐同藍仔去搞機票(佢地冇同我地一齊搞), 我同思姐就上房, 等佢地叫我地
佢地叫我地時, 我地即問佢落下有冇狗, 佢話有...於是我地就去第二條樓梯...
點知我地去第二條樓梯, D狗都去第二條樓梯下面...
我地叫B姐引開D狗俾我地走出門口先...
最後先可以出到去...
係中央廣場好多燒烤檔...
不過最後去左我地食早餐個檔燒...
食左好多串...
然後係古城周圍行下...
古城個中央廣場夜晚成班遊客會係度跳舞...
我地當然冇跳XDD
最後係古城行...買手信...欣賞古城既建築...
然後就番房
番到房...我特登出去睇下有冇星星...好想最後一晚可以睇多次...
點知一粒都冇T~T
於是就番房執行李, 準備第二朝一早番深圳, 離開香格里拉...
香格里拉的確係一個好靚好靚既地方...好多景都留左係腦入面...影得幾靚既相都唔及現場睇咁靚...
最靚既景根本係手機相機都冇辦法拍下...直到而家, 番左黎半個月...D星星真係令我好難忘...
香格里拉係一個好值得去既地方, 雖然交通好唔方便, 去睇梅里雪山坐左6個鐘車...但係所有都係好值得...
其實4日入面最難忘的確係第三日...去藏民朋友家作客...了解左好多佢地既文化...感受好深...不過語文能力有限...形容唔出黎
突然覺得去旅行最重要係要多D同當地人講野...上次去加拿大傾得太少...
今次去香格里拉, 無論係旅店既人, 帶馬既大姐, 定係認識的藏民朋友...都俾我問左好多好多野
呢次旅行...我冇遺憾...想知既野都俾我問曬...
不過...香格里拉, 我只係認識左你一小部分...
我地有緣再見
|
