番工番左一個多月,一直都做得幾開心...
因為自己既努力, 令到老闆話: 我地可能之後唔會再搞落去
變成: 我地會繼續搞落去
個種滿足感係好大好大...
雖然sd三千幾封email係好辛苦好辛苦...但換黎既成果係好大...
做野既時候曾經俾客鬧過一個鐘, 俾人偷錢, 俾人呃...
發生過好多好多事...但係我都冇咩野...最少冇喊過...
俾客鬧冇唔開心過...俾人偷錢俾人呃怪自己太蠢太信人
但琴晚真係好受打擊...
我係唔熟悉旺角呢個地方...講出黎唔知會唔會俾人笑...我係自從自己黎番工, 我先係第一次自己出旺角...
你以前同我講信和中心係邊...我連信和係咩都唔知...
係呢一個多月入面...我好努力去認附近有D咩商場, 有D咩出名店舖...等有人黎問點上黎既時候, 可以解答到佢既問題
琴晚6點鐘就有個女人係地鐵站就打電話黎問路...我叫左佢係E2出口出...出到去轉右直行6-7分鐘就會見到米蘭站,SASA同舒適堡, 隔離就係百寶利商業中心, 入去按電梯上黎就得
點知個女人一直問我咩方向, 你唔可以就咁同我講轉右直行, 轉邊度右點直行呀, 佢問我係旺角方向家油麻地方向
我答左佢油麻地方向...
點知佢唔肯行...係咁問係唔係瓊華中心?我話我唔係好清楚瓊華中心係邊度...
佢: 你點做野嫁, 你唔係應該要好熟悉點行過黎嫁咩, 我而家企係E2出口, 點行過黎呀姐姐
我個時都好有耐性咁同佢講, 係E2出口出到黎, 會有3條路, 一係直過馬路, 一係轉左, 一係轉右...你就轉右一直行...
我都未講完,佢就話轉右去邊行呀...我話: 一直行就係, 唔洗轉彎
點知佢唔肯行...佢話我唔話佢知去邊行, 唔洗旨意佢會行...
我咪話佢知, 我地既位置係信和中心後面...你向登打士街方向行...
佢: 姐姐, 登打士街係邊呀, 成條路冇登打士街呢個名...你有冇其他同事呀, 你講得唔清唔楚, 點行呀大佬, 直行咩叫直行姐...然後一直鬧...鬧左十五分鐘都問我咩叫轉右一直行...
話咁指示人地一D都唔清楚,叫人點上你度交收呢? 你指示到咁你就唔好聽電話啦, 你老細請着你就真係大劑, 請你番黎倒米...(下刪十萬字)
我當時仲好有耐性咁同佢講點行...一直同佢講佢直行會見到咩店, 會見到萬寧,
然後會見到卓悅, 對面馬路係卓悅藥房, 咁你照過馬路, 照直行, 直到你見到一間粉紅色韓國化妝品店, 就差唔多到...
但佢係完全唔理我講咩...佢有佢發火...
最後我係電話教左佢黎...佢去到樓下又唔收線, 一直鬧我...話我直接講係銀城廣場對面咪得, 咩轉右一直行...
我個時心入面開始不滿佢...我點知你知唔知銀城廣場係邊, 其他問路既人都唔知道, 我咁同佢地講佢地個個都明白, 仲好快就上到黎
最後收左線冇耐, 佢就上黎啦
點知佢上到黎都要繼續鬧...佢話佢已經好熟呢條街, 都可以唔知點行過黎...你話你點講野呀, 你直接唔好講野, 扮啞既算啦...
我當時壓抑住我自己既情緒, 我仲同佢講, 我下次會改進...
點知佢繼續鬧, 一直狂鬧...講: 我問你咩方向既時候, 你又唔答我旺角定油麻地, 一直叫我向前行向前行, 姐姐, 你知唔知個時係十字路口黎嫁, 可以向前向左向右行嫁
我個時忍唔住駁佢: 我有話俾你知係油麻地方向...佢: 你冇!你冇!你完全冇!!你講咩登打士街...我點知登打士街係邊
我當時已經放棄同佢爭論, 講左句: 算喇... 之後佢繼續鬧繼續鬧...
到有第二個人入黎換野, 佢先停口然後俾佢張紙我同佢換野...
個時已經係7點半...換完之後佢終於走左...
就係佢擰轉身拉門走個一秒, 我好冇用咁喊左出黎...
D眼淚一直流落黎...嚇親另外個兩個上黎交收既人...
雖然自己好唔開心, 但係野要照做...
於是我一邊喊一邊幫人拎貨一邊同人交收...
黎交收既人都俾我嚇親...但我真係忍唔住...我覺得成件事好委屈...
佢唔聽人講野就屈人冇講過...講俾你聽點行你又唔肯行...行到上黎又鬧我...又人身攻擊...
俾你鬧完我仲要保持笑容同你換野...到底笑係一種情緒定係佢只係一種表情...
於是我喊左半個鐘, 半個鐘入面每一個黎交收既人都唔敢講野...好驚慌咁望住我喊...佢地心入面應該諗緊, 呢個女仔咩事...自己一個係辦公室喊...
我真係覺得自己好冇用...俾人鬧左個半鐘就喊到咁...但我控制唔到...真係控制唔到...
呢一生人...我都要學唔可以成日喊...雖然我已經比以前進步左好多好多...但都係唔夠...
要學習成為一個堅強既人...
|
